У Польшчы затрымалі афганца, які думаў, што ён у Парыжы. Так яму сказаў праваднік, што суправаджаў ад мяжы Беларусі
Афіцэр дзяжурнай часткі паліцыі ў нядзелю атрымаў інфармацыю, што аварыйнай паласой з Лодзі ў напрамку Уроцлава ідзе мужчына.
Фота: wieruszow.policja.gov.pl
Мужчына сказаў паліцыянтам, што кіроўца транспартнага сродку, на якім ён ехаў, запэўніў яго, што ён ужо дабраўся да Парыжа ў Францыі, пасля чаго з'ехаў, пакінуўшы яго, паведамляе Польская паліцыя.
34-гадовы мужчына быў затрыманы, а затым перададзены Памежнай ахове ў Лодзі.
Як сцвярджаў мужчына, ён падарожнічаў чорным бусам і не ведаў людзей, з якімі ехаў. З яго расповеду таксама вынікала, што прыкладна паўтара месяца таму ён пакінуў Афганістан. Затым праз тэрыторыю Расіі і Беларусі ён дабраўся да мяжы з Польшчай.
Там, паводле яго версіі падзей, яго павінны былі даставіць у Парыж.
Каментары