Кампанію, якая развівае гульню «Свет танкаў», прызналі ў Расіі «экстрэмісцкай»
Дзейнасць гульнявой кампаніі «Леста игры» расійскі суд палічыў «экстрэмісцкай», піша «Осторожно, новости». Бізнэс звязалі з кампаніяй Wargaming.
«Леста игры» з 2022 года развівае «Свет танкаў» — легендарную гульню World Of Tanks. Цяпер кампанію занеслі ў рэестр экстрэмістаў Расінфаманіторынгу, самі юрыдычныя асобы кампаніі звернуць у даход дзяржавы.
Як удакладняе «Осторожно, новости» гэта можа значыць забарону на распаўсюд гульняў кампаніі «Мир Танков», «Мир Кораблей» и Tanks Blitz.
Юрыст кампаніі сказаў, што адвакаты пакуль не вельмі разумеюць, ці прывядзе забарона кампаніі да абмежаванняў на распаўсюд іх гульняў.
У кампаніі сцвярджалі, што не парушалі законаў ні Расіі, ні Беларусі і «баяцца ім няма чаго».
26 красавіка расійская Генпракуратура папрасіла Таганскі раённы суд Масквы забараніць дзейнасць уладальніка «Леста игры» Маліка Хатажаева і ўласніка Wargaming Віктара Кіслага, а таксама спагнаць 100% доляй «Лесты» у даход дзяржавы.
17 красавіка Таганскі суд Масквы наклаў арышт на тры ключавыя юрыдычныя асобы «Леста игры».
«Леста игры» абскардзіла рашэнне суда. Прадстаўнік кампаніі казаў, што яна аказвае поўнае садзейнічанне праваахоўнікам для хутчэйшага вырашэння ўсіх пытанняў і вядзе працу ў поўнай адпаведнасці з расійскім заканадаўствам.
Пасля пачатку поўнамаштабнай вайны ў 2022 годзе Wargaming і «Леста» не звязаны юрыдычна і падзялілі рынкі — «Леста» ў прыватнасці адказвае за беларускі і расійскі сегмент.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары