У Вілейцы на вуліцы Валынца каля мэблевай фабрыкі раніцай 2 чэрвеня пасажырскі аўтобус «тройка» пашкодзіў тры легкавыя аўтамабілі, якія былі прыпаркаваныя на абочыне.
Начальнік аддзялення Дзяржаўтаінспекцыі Вілейскага РАУС Генадзь Сяськоў распавёў Kraj.by:
— ДТЗ адбылося 2 чэрвеня каля 07:10. Гарадскі аўтобус з пасажырамі на вуліцы Валынца насупраць дома № 9 з’ехаў з праезнай часткі на абочыну і наехаў на тры легкавыя аўтамабілі, якія былі прыпаркаваныя — «Опель Зафіра», «Джылі» і «Шкода Фабія». Там недалёка мэблевая фабрыка. Дзве іншамаркі належаць работнікам фабрыкі, адна — работніку прадпрыемства ДЭУ-63, якое таксама побач. Кіроўца аўтобуса сам не можа патлумачыць, чаму гэта здарылася.
Паводле слоў Генадзя Сяськова, у легкавіках на момант наезду нікога не было — усе былі на працы, таму ніхто не пацярпеў. Кіроўца аўтобуса і пасажыры, што ехалі ў «тройцы», таксама не пацярпелі. Механічныя пашкоджанні атрымалі аўтобус і легкавыя аўтамабілі.
Цяпер чытаюць
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком1
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары