Польшча падвяла вынікі першага месяца працы «Кузніцы» і «Баброўнікаў»
Польшча падвяла вынікі першага месяца працы пунктаў пропуску «Кузніца» (з беларускага боку «Брузгі») і «Баброўнікі» («Бераставіца») на мяжы з Беларуссю. Паводле звестак польскай Памежнай службы, за гэты час праз іх у краіну ўехалі больш за 35 тысяч чалавек, а з Польшчы ў Беларусь выехалі больш за 37 тысяч, піша Most.
Статыстыка ўлічвае не асобных людзей, а колькасць перасячэнняў мяжы, таму адзін і той жа чалавек мог трапляць у падлік некалькі разоў. За месяц памежнікі адмовілі ва ўездзе 23 асобам, бо яны не адпавядалі ўмовам знаходжання ў краіне.
Таксама праз адкрытыя пункты пропуску ў Польшчу ўехала каля 14 тысяч транспартных сродкаў — легкавікоў, аўтобусаў і грузавікоў, а выехала прыкладна 15,6 тысячы.
Праз «Баброўнікі» афармляюць легкавыя аўтамабілі і аўтобусы, а грузавы транспарт дазволены толькі для машын, зарэгістраваных у краінах ЕС, Еўрапейскай арганізацыі свабоднага гандлю, Еўрапейскай эканамічнай зоне і Швейцарыі. У «Кузніцы» пакуль не прапускаюць ні грузавікі, ні аўтобусы, бо інфраструктура яшчэ не падрыхтаваная.
Пункты пропуску «Баброўнікі» («Бераставіца») і «Кузніца» («Брузгі») адкрыліся апоўначы 17 лістапада. Першы быў закрыты 1010 дзён, другі — 1469 дзён.
МУС Польшчы пракаментавала, ці магчымае аднаўленне чыгуначнага руху з Беларуссю
«Польшча ўжо не тая». Беларусы, якія доўга не ездзілі на закупы, здзівіліся цэнам і новым правілам
«Забраў КДБ, яна так і засталася на мяжы». У пункты пропуску, што адкрыліся, вярнуліся сілавікі і аднавілі допыты
«Калі б у Беларусі ўсё было добра, то вашы б не ехалі сюды па каўбасу». Рэпартаж з прымежных Баброўнікаў
Цяпер чытаюць
Топ сучасных элітных жыллёвых комплексаў Мінска. Квадрат там каштуе да 11 000 даляраў1
Каментары