У Магілёве на Фацінскім заліве Дняпра адбыліся два выпадкі, калі рыбакі праваліліся пад тонкі лёд, паведаміла Магілёўскае абласное ўпраўленне МНС.
Першы інцыдэнт здарыўся 17 сакавіка каля 18:30 — мужчына праваліўся пад лёд, але змог самастойна вылезці з вады яшчэ да прыезду ратавальнікаў.
Амаль у той жа час, прыкладна за 150—200 метраў, пад лёд праваліўся яшчэ адзін рыбак. Ён таксама здолеў вылезці сам.
Калі на месца прыбылі супрацоўнікі Таварыства ратавання на водах, яны даставілі абодвух мужчын на бераг. Дапамога ратавальнікаў МНС для выцягвання з вады не спатрэбілася.
Пасля агляду медыкамі адзін з пацярпелых, мужчына 1974 года нараджэння, быў шпіталізаваны з пераахаладжэннем. Другога пасля аказання дапамогі адпусцілі дадому.
Ратавальныя службы яшчэ раз папярэджваюць, што выходзіць на лёд у перыяд нестабільных тэмператур вельмі небяспечна, і заклікаюць выконваць правілы бяспекі.
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары