Грамадства22

Даўгабуд Шакуціна каля Драздоў будзе дабудоўваць Мінгарвыканкам

Комплекс «Шантэр Хіл» у Мінску каля Драздоў плануюць адкрыць у 2027 годзе. Гэты даўгабуд перадалі для заканчэння работ Упраўленню капітальнага будаўніцтва Мінгарвыканкама, піша Realt.by.

Фота: Realt.by

17 снежня адміністрацыя Цэнтральнага раёна Мінска правяла нараду, прысвечаную праблемам незавершанага будаўніцтва. Паводле агучанай інфармацыі, на працягу двух гадоў у раёне плануюць увесці ў эксплуатацыю 11 аб’ектаў, з якіх пяць ужо здадзеныя.

Сярод тых, што застаюцца, — шматфункцыянальны комплекс «Шантэр Хіл» у раёне праспекта Пераможцаў і завулка Вяснінка. Яго ўзводзяць яшчэ з 2016 года. Будынак выглядае амаль гатовым, але даводзіць праект да завяршэння будзе Упраўленне капітальнага будаўніцтва Мінгарвыканкама.

Фота: Realt.by

Будаўніцтва комплекса побач з вадасховішчам Дразды і «Мінск-Арэнай» пачалося дзевяць гадоў таму. Першапачаткова задумваўся буйны гатэльна-дзелавы цэнтр плошчай каля 140 тысяч квадратных метраў. У праект уваходзілі 25‑павярховы гатэль, чатыры офісныя высокія будынкі, шматузроўневы спартыўны комплекс з крытымі тэніснымі кортамі, трэнажорнай залай, басейнамі, SPA-зонай, рэстаранам і падземнай аўтастаянкай.

Фота: Realt.by

Спачатку праект рэалізоўвала беларуская кампанія «Інтэрсэрвіс», якая належала бізнэсмену Аляксандру Шакуціну — уладальніку холдынгу «Амкадор». Генеральным падрадчыкам была кітайская кампанія CITIC Construction. Комплекс планавалі адкрыць у чэрвені 2019 года і нават заяўлялі, што работы могуць скончыць раней, але тэрміны былі сарваныя.

У 2018 годзе змяніўся заказчык будаўніцтва — ім стала кампанія «Наванэп», якая таксама належала Шакуціну. Пазней з’явілася інфармацыя, што ад ідэі гатэля могуць адмовіцца і зрабіць стаўку пераважна на офісныя памяшканні. Інвестыцыйную дамову падоўжылі да канца 2023 года, аднак комплекс так і не адкрыўся, хоць ужо некалькі гадоў выглядае амаль завершаным.

Падчас апошняга пасяджэння адміністрацыі Цэнтральнага раёна было заяўлена, што «Шантэр Хіл» плануюць выключыць са спісу даўгабудаў у 2027 годзе. Аб’ект перадалі ў гаспадарчае вядзенне КУП «УКБ Мінгарвыканкама», якое і будзе займацца яго завяршэннем.

Усяго ў Цэнтральным раёне на 2025—2027 гады запланавана дапрацаваць 11 праблемных аб’ектаў. Большасць з іх павінны здаць ужо ў 2025 годзе, пяць аб’ектаў уведзеныя ў эксплуатацыю. Сярод іх — інжынерна-транспартная інфраструктура па праектаванай вуліцы № 28, мастацка-прыкладныя майстэрні Свята-Елісавецінскага жаночага манастыра і першая чарга шматфункцыянальнага гатэльнага комплексу ў раёне вуліц Максіма Багдановіча, Янкі Купалы і ракі Свіслач.

У 2026 годзе УКБ плануе заняцца рэканструкцыяй наяўнага будынка на Будслаўскай, 29 з узвядзеннем прыбудовы сэрвіснага цэнтра.

Каментары2

  • Барадзед
    18.12.2025
    Ещё не достроили шыкоуны адпачынак на тэрыторыи радзимы?
  • ПИС
    18.12.2025
    [Рэд. выдалена]

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Алесь Бяляцкі сустрэнецца з чытачамі ў Варшаве, Кракаве і Уроцлаве1

Адна з самых масавых газет Расіі напісала пра «зняцце табу на ліквідацыю» Зяленскага4

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

Пентагон скароціць менш амерыканскіх вайскоўцаў у Еўропе, чым планавалася раней

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць