Што прапануе рынак працы летам 2025 года, якія віды работ даступныя для падлеткаў 14—16 гадоў і якая будзе мінімальная аплата, распавялі БЕЛТА ў Міністэрстве працы і сацыяльнай абароны.
Падлеткі ва ўзросце 14—16 гадоў могуць працаваць у дыспетчарскіх службах і call-цэнтрах, выконваць найпрасцейшыя працы па зборцы і разборцы механізмаў, займацца расклейваннем аб’яў, дастаўляць ежу і тавары дадому (пры наяўнасці веласіпеда), а таксама працаваць у сферы фларыстыкі.
Акрамя таго, маладыя работнікі маюць магчымасць уладкавацца ў сацыяльныя ўстановы, аказваючы дапамогу пажылым людзям у пансіянаце або працуючы ў тэрытарыяльных цэнтрах сацыяльнага абслугоўвання насельніцтва.
У ведамстве падкрэслілі, што падлеткі ад 14 да 16 гадоў могуць працаваць не больш за 23 гадзіны на тыдзень, падчас канікул — не больш за 4 гадзіны 36 хвілін у дзень.
Падлеткам забаронены работы з шкоднымі рэчывамі, цяжкая фізічная праца, а таксама начныя змены і праца ў выходныя дні.
За поўнасцю адпрацаваны месяц заплацяць не ніжэй за мінімальную заработную плату — 726 рубёў.
Выбраць прыдатную вакансію падлеткі могуць праз службу занятасці па месцы жыхарства, на партале gsz.gov.by або ў навучальных установах.
Цяпер чытаюць
Стала вядома, што за 200 тысяч еўра прапаноўвалі Сяргею Ціханоўскаму «беларускія бізнэсмены»27
Каментары