Здарэнні33

У Жабінцы падлетка ўкусіла шалёная куніца

16-гадовы падлетак у Жабінцы пацярпеў ад укусу куніцы. Інцыдэнт адбыўся ў суботу, 10 мая, піша «Анлайнер».

Скрыншоты з відэа

Хлопец ішоў па дарозе, калі на яго з кустоў выбегла жывёліна.

Спачатку куніца здалася мілым звярком — падлетак нават пачаў здымаць яе на відэа. Але амаль адразу тая накінулася на яго і пракусіла палец. Гісторыяй пацярпелага ў сацсетках падзялілася яго сястра Аляксандра.

@foxy_sanechka_

Я не понимаю почему тема бешенства настолько закрыта и не популярна Сейчас все больше случаев, когда дикие животные кидаются на людей и животных Почему больницы, школы, санстанции и, отвечающие за такие случаи, органы не считают нужным проинформировать население о такой опасности Бешенство - это серьезно. При отсутствии своевременной вакцинации это в 100% случаев мучительный летальный исход Предупредите детей, что нельзя трогать уличных животных (собак, котят, ежей, белок) Если животное начинает на тебя нападать - это не норма Если лиса пришла в людное место - это в 99% бешенство Если произошел укус или царапанье - обязательно пускай вам говорят и сразу в больницу Вакцинируйте от бешенства своих домашних животных ( и те, кто живут в домах и те, кто в квартирах). Бешенство можно принести с обувью домой Бешенство может проявиться спустя год Своевременная вакцинация спасает вас на 98% Распространите эту информацию и поговорите с детьми

♬ AURA - Ogryzek

Хлопец нават не падумаў, што тое, што адбылося, небяспечна. Проста адштурхнуў куніцу і пайшоў гуляць далей. Але выпадкова ён выправіўся туды, куды забегла і куніца. А тая пасля ўкусу хаатычна перамяшчалася па прыватным сектары і нападала на свойскіх жывёл.

Дасведчаныя людзі адвезлі падлетка ў бальніцу, дзе яму паставілі першую вакцыну. А саму жывёліну вылавілі і адправілі на экспертызу. Яе вынікі паказалі, што куніца была хворая на шаленства.

«Пасля звароту ў прыёмны пакой брата адправілі на шпіталізацыю ў хірургічнае аддзяленне. Там ён праляжаў ноч, а раніцай яго адпусцілі дадому. Трэба было вярнуцца ў панядзелак, каб здаць аналізы. Вынікі нам пакуль невядомыя. Па словах медыкаў, яму трэба будзе трохмесячная тэрапія», — расказала «Анлайнеру» Аляксандра.

Дзяўчына дадала, што чула: не так даўно таксама ў Жабінцы шалёная ліса ўкусіла сабаку, і цяпер там увялі каранцін.

З 2012 года выпадкі захворвання на шаленства сярод людзей у Беларусі не рэгістраваліся. Пры гэтым штогод каля 20 тысяч чалавек звяртаюцца да медыкаў пасля кантакту з жывёламі, 30% з іх — дзеці да 18 гадоў.

Так, за восем месяцаў мінулага года ў Беларусі быў зарэгістраваны 171 выпадак шаленства жывёл: 100 у дзікай прыродзе і 71 сярод хатніх і сельскагаспадарчых жывёл. Дзякуючы вакцынацыі дзікіх жывёл колькасць шалёных асобін паступова зніжаецца. Так, у 2020-м колькасць зарэгістраваных выпадкаў шаленства складала 752.

Каментары3

  • Куніца
    14.05.2025
    То Перыадзеты Лукашэнка быў
  • Žvir
    14.05.2025
    Alie čamu tak, raniej ža nie bylo tak šmat vypadkaŭ šalienstva. Adkuļ jano biarecca, šalienstva toje? Ci nie zviazana heta z mihrantami z Afryki dy ŭschodu ?
  • Андрусь
    14.05.2025
    Žvir , Наколькі мне вядома, шаленства пераносяць кажаны. У іх такі метабалізм, што ў крыві кажаноў гэты вірус неактыўны.

    Кажаны кусаюць быдла... Ну і вось.

    Але гэта проста маё імхо.

Цяпер чытаюць

Польшча адкрывае мяжу з Беларуссю60

Польшча адкрывае мяжу з Беларуссю

Усе навіны →
Усе навіны

«На прабегу 40—55 тысяч пачынаюць прагараць клапаны». Беларусы пра досвед карыстання Geely10

Як Стакгольм перамог заторы без абурэння жыхароў8

«Залаты мяч» атрымаў французскі нападнік Усман Дэмбеле

Аэрапорты Даніі і Нарвегіі прыпынялі працу праз з'яўленне вялікіх дронаў9

Пуцін даў расійскае грамадзянства былой памочніцы Байдэна7

Чыноўнік ад турызму наракае, што ў Беларусі вельмі кепскія гатэлі2

У Мінску заўважылі дзіўны аўтамабіль, бітком набіты людзьмі і поні2

«Золатава ў калоніі ў аўтарытэце, яна выдатная швачка»3

Украінскія дроны атакавалі Маскву5

больш чытаных навін
больш лайканых навін

Польшча адкрывае мяжу з Беларуссю60

Польшча адкрывае мяжу з Беларуссю

Галоўнае
Усе навіны →

Заўвага:

 

 

 

 

Закрыць Паведаміць