Разборкі на Шчучыншчыне. Як кот Васіль прагнаў з агарода лісу ВІДЭА
Незвычайная сітуацыя трапіла на камеру відэапасткі на пчальніку ў вёсцы Шчанец у Шчучынскім раёне.
Узімку сюды нярэдка зазіраюць дзікія звяры. Напрыклад, казулі і зайцы спрабуюць паласавацца саджанцамі пладовых дрэў. А за траваеднымі падцягваюцца і драпежнікі, паведамляе Newgrodno.by.
«Заўважалі тут тхароў і куніц. А гэтым разам зазірнула ліса», — распавядае гаспадар пчальніка.
Але нечакана напярэймы драпежніку выскачыў хатні кот Васіль. Нягледзячы на розніцу ў памерах, кот не выглядаў спалоханым, наадварот, ён як сапраўдны гаспадар быў настроены не пусціць няпрошанага госця ў двор.
«На самым цікавым месцы камера перастала пісаць. Уключылася яна праз дзве хвіліны. Лісы і след прастыў, а кот сядзіць адзін. Думаю, пытанне пра пераможцу знятае», — мяркуе гаспадар
Ён жартуе, што канфлікт паміж катом і лісой адбыўся не проста на фоне асабістай непрыязнасці. Прычынай стаў перадзел сфер уплыву ў агародзе.
Дарэчы, заўважаў гаспадар пчальніка непадалёк сляды ваўка і лася. Васіль не мае намеру дзяліць свой агарод з кім бы там ні было. І памеры госця ў гэтым выпадку значэння не маюць.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
...
а з гаспадаром?
а ліса сказаць не змагла. з расеі прыплялася, відаць