Razborki na Ščučynščynie. Jak kot Vasil prahnaŭ z aharoda lisu VIDEA
Niezvyčajnaja situacyja trapiła na kamieru videapastki na pčalniku ŭ vioscy Ščaniec u Ščučynskim rajonie.
Uzimku siudy niaredka zazirajuć dzikija źviary. Naprykład, kazuli i zajcy sprabujuć pałasavacca sadžancami pładovych dreŭ. A za travajednymi padciahvajucca i drapiežniki, paviedamlaje Newgrodno.by.
«Zaŭvažali tut tcharoŭ i kunic. A hetym razam zazirnuła lisa», — raspaviadaje haspadar pčalnika.
Ale niečakana napiarejmy drapiežniku vyskačyŭ chatni kot Vasil. Niahledziačy na roźnicu ŭ pamierach, kot nie vyhladaŭ spałochanym, naadvarot, jon jak sapraŭdny haspadar byŭ nastrojeny nie puścić niaprošanaha hościa ŭ dvor.
«Na samym cikavym miescy kamiera pierastała pisać. Uklučyłasia jana praź dźvie chviliny. Lisy i śled prastyŭ, a kot siadzić adzin. Dumaju, pytańnie pra pieramožcu źniataje», — miarkuje haspadar
Jon žartuje, što kanflikt pamiž katom i lisoj adbyŭsia nie prosta na fonie asabistaj niepryjaznaści. Pryčynaj staŭ pieradzieł śfier upłyvu ŭ aharodzie.
Darečy, zaŭvažaŭ haspadar pčalnika niepadalok ślady vaŭka i łasia. Vasil nie maje namieru dzialić svoj aharod z kim by tam ni było. I pamiery hościa ŭ hetym vypadku značeńnia nie majuć.
Ciapier čytajuć
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj31
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary
...
a z haspadarom?
a lisa skazać nie zmahła. z rasiei pryplałasia, vidać