Дзікія жывёлы ў Гродна заходзяць рэгулярна. Сустракалі тут і ласёў, і казуль, на невялікіх рэках нават у цэнтры горада жывуць бабры, а лісы заглядаюць ледзь не ва ўсе раёны горада. У раёне Альшанка візіты гэтых рудых гасцей ужо зусім звыклая справа, піша Newgrodno.by.
«Людзі ўжо стаміліся ад іх нашэсця. Тым больш, звяры небяспечныя. На днях на вачах ва ўсіх ліса разарвала ката», — расказаў чытач Newgrodno.by, падзяліўшыся і шакавальнымі кадрамі.
Калі вы заўважылі ў горадзе лісу або іншага ляснога візіцёра, то лепш будзе проста не набліжацца да яго. Ні ў якім разе не варта карміць жывёл або спрабаваць іх пагладзіць. Дзікі звер любы жэст ці нават гук можа ўспрыняць як небяспеку і тут жа праявіць агрэсію.
Варта памятаць, што дзікія жывёлы часцяком пераносяць мноства захворванняў і інфекцый. Самае небяспечнае ў гэтым выпадку — шаленства. Калі ліса вас укусіла, неадкладна звярніцеся да доктара!
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2020
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі20
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары