Каманда беларуса Дзмітрыя Банчынчэ перамагла ў папулярным расійскім шоу «Ліга танца»
Дзмітрый Шашалевіч вучыўся на факультэце журналістыкі БДУ, але ў хуткім часе зразумеў, што танчыць яму больш цікава. Шмат гадоў ён працуе пад псеўданімам Bonchinche і стаў топавым танцорам у стылі вог.
Дзмітрый паступіў у Інстытут журналістыкі БДУ ў 2008 годзе. Але сваё жыццё ў выніку вырашыў звязаць не з працай у медыя, а з танцамі, якімі займаўся з 15 гадоў.
Беларус стварыў у Санкт-Пецярбургу першы вог-дом — House of Bonchince. Зорным для танцора стаў 2017 год, калі Дзмітрый удзельнічаў у папулярным шоу «Танцы» на расійскім тэлеканале ТНТ і заняў там другое месца.
Цяпер жа ён са сваёй камандай прыняў удзел у другім сезоне папулярнага расійскага шоу-чэмпіянату «Ліга танца». За перамогу змагаліся 24 каманды. У журы былі Мігель, Кацярына Рашэтнікава, Дзмітрый Жураўлёў і іншыя.
У выніку перамагла каманда House of Bonchince на чале з беларусам.
Пры гэтым Дзмітрый сутыкнуўся з хэйтам — у першую чаргу ад тых, хто глядзеў шоу ва «УКантакце». Некаторыя гледачы абвінавачвалі суддзяў у прадузятасці і пісалі, што тыя цягнулі любімчыкаў. Апаненты адказвалі скептыкам, што каманда Bonchince — гэта ўжо не проста пра танец, а пра імерсійны тэатр.
У сваім тэлеграм-канале Дзмітрый напісаў:
«Аўдыторыя «УКантакце» гэта тое яшчэ зборышча «знаўцаў» жыцця, творчасці і «паспяховых» людзей. Такой колькасці жоўці, узлаванасці і бескультур'я не бачыў даўно. Апошні раз чытаў такое, калі яшчэ ўдзельнічаў на танцах ТНТ. Шчыра? Праз восем гадоў нічога не змянілася. Большасць глядзіць дупай. Вядуцца на простыя маніпуляцыі, не бачаць розніцы, паўтараюць адное і тое ж і самі сабе супярэчаць у высновах. Рады разумець, што вырас. І ўжо не ўспрымаю на свой рахунак іх пісаніну. Цяпер для мяне гэта больш падобна да сацыяльнага даследавання».
Вядомае музычнае шоу «СамШазам» закрылася ў Беларусі. Мікіта Найдзёнаў расказаў, чаму перазапускае яго ў Варшаве
У папулярным амерыканскім серыяле паказалі беларускую турму — знялася ўладальніца «Оскара»
Беларускія чыноўнікі знялі серыял для падлеткаў. «Выдаліце мне інтэрнэт», — просяць тыя, хто глядзеў
Цяпер чытаюць
Над шэрым кардыналам Нацбанка згусціліся хмары? Затрымалі яго сябра, былога выканаўчага дырэктара Банка развіцця2
Каментары