Прэзідэнт Бразіліі ляціць у Маскву, каб падштурхнуць Пуціна да перамоваў у Стамбуле
Луіс Інасіу Лула да Сілва заявіў, што асабіста будзе патрабаваць ад кіраўніка РФ Уладзіміра Пуціна ўдзельнічаць у перамовах з прэзідэнтам Украіны Уладзімірам Зяленскім у Турцыі, піша Kyiv post.
Паводле даных СМІ, да Сілва на зваротным шляху ў Бразілію пасля завяршэння рэгіянальнага форуму ў Кітаі спыніцца ў Маскве.
«Я паспрабую пагаварыць з Пуціным. Мне нічога не каштуе сказаць: «Гэй, таварыш Пуцін, едзьце ў Стамбул і дамаўляйцеся, чорт вазьмі», — сказаў Лулу да Сілва перад адлётам у Маскву.
Як вядома, перамовы, запланаваныя на 15 мая ў Стамбуле, могуць стаць першымі прамымі перамовамі паміж Кіевам і Масквой з 2022 года.
Каментары да Сілвы з’явіліся пасля таго, як міністр замежных спраў Украіны 13 траўня заклікаў Бразілію скарыстаць свой уплыў на Расію і зрабіць так, каб сустрэча паміж Пуціным і Зяленскім адбылася.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары