Прэзідэнт Украіны Уладзімір Зяленскі на брыфінгу 13 мая паведаміў, што Кітай і шэраг іншых краін звярталіся да Украіны з просьбай гарантаваць ім бяспеку падчас параду ў Маскве 9 мая.
Паводле слоў Зяленскага, Кітай падтрымаў ініцыятыву Украіны аб 30-дзённым спыненні агню. З кітайскага боку, маўляў, паступілі сігналы падтрымкі гэтай прапановы, але Кітай разам з іншымі дзяржавамі выказваўся за гарантаванне бяспекі з 8 па 10 мая, калі ў рэгіёне знаходзіліся міжнародныя лідары, у тым ліку і з Кітая.
Зяленскі падкрэсліў, што Украіна не наносіла ніякіх удараў па парадзе ў Маскве, нягледзячы на сцвярджэнні расійскай прапаганды. Ён заявіў, што Украіна выконвае свае абяцанні.
Аднак, паводле слоў украінскага прэзідэнта, нават падчас абвешчана Пуціным трохдзённага перамір'я Расія працягвала атакі. Зяленскі паведаміў, што за гэтыя дні Расія нанесла 115 авіяўдараў, скінула 197 кіраваных авіябомбаў, здзейсніла больш за 12 тысяч абстрэлаў, у тым ліку 187 з рэактыўных сістэм залпавага агню, і выкарыстала 7303 беспілотнікі-камікадзэ для ўдараў па цывільнай інфраструктуры.
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары