Ён напісаў кнігу «Дом» пра адноўлены палац у Нароўлі.
«Я напісаў кнігу пра нараўлянскі палац. Яна называецца «Дом». Кніга пісалася ў розныя гады, пачынаючы з 2021-га. Некалькі разоў я перарываў працу над ёй, думаючы, што яшчэ не гатовы расказаць гэту гісторыю — сваю і дома. Ці проста не хацеў ставіць кропку. А потым паставіў. «Дом» — гэта не толькі тэкст, але і прыгожая рэч. Я стараўся зрабіць такую кнігу, якую хацелася б захоўваць», — напісаў Андрусь Горват у фэйсбуку.
Ён кажа, што прэзентацыі, творчых сустрэч і інтэрв’ю не будзе. Аднак на наступным тыдні правязе кнігу ў Вільню, Беласток, Варшаву, Гданьск і Познань.
«Уся інфармацыя пра кнігу (і ўрывак з яе) ёсць на сайце. Гэта адзінае месца, дзе можна набыць «Дом». Як гэта зрабіць з Беларусі, пакуль што я не маю адказу. Але адказ будзе», — дадаў ён.
Андрусь Горват — беларускі пісьменнік, аўтар кніг «Радзіва «Прудок» і «Прэм'ера».
-
Андрэй Федарэнка напісаў эсэ пра Янку Брыля, але яно больш чым проста пра Брыля ці літаратуру
-
Выдавецтва Gutenberg анансуе ірландскую навінку для дзяцей
-
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было
Каментары
я ўбачыў дом.
Гэта адбылося нечакана. Дом паўстаў ніадкуль, выйшаў са змроку ўвесь адразу і тут жа заняў сабой усё.
Знявечаны часам і людзьмі, ён туліўся на беразе Прыпяці, як вялікі стары сабака, які калісьці быў пародзісты, прыгожы і любімы, але потым быў кінуты, за многія гады страціў надзею і давер і цяпер проста чакаў смерці там, дзе ў апошні раз бачыў свайго гаспадара".
(Андрусь Горват. Дом.)
Вельмі люблю жанр магічнага рэалізму японскіх пісьменнікаў.
Выдатна, што ў нас паявіўся свой беларускі аўтар, які піша ў такім жанры.
Гэта проста цуд і асалода.
Ты ходзіш паміж звычайных рэчаў і раптам усё навокал магічна мяняецца, звыклае вядзе сябе нязвыкла, ты імгненна пераносісся ў іншыя часы, вандруеш паміж рознымі эпохамі, якія адначасова пераплятаюцца прычудлівымі карункамі.
Дзякуй вялікі, дарагі пісьменнік Андрусь Горват! За прыгожую магічна-рэалістычна-гістарычную кнігу!
Яна адназначна папоўніць скарбонку нашай беларускай культуры.