Ці можна зайсці пагрэцца ці пасядзець з сябрамі ў чужым пад’ездзе? Тлумачыць адвакат
Жанчына з Баранавічаў распавяла, што яе ўнук з сябрамі ў дажджлівае надвор’е заходзіць у чужыя пад’езды, каб схавацца ад дажджу, пасядзець, пагаварыць. Падлеткі паводзяць сябе спакойна: не шумяць, не кураць, не п’юць. Але часам іх выганяюць дарослыя: «Што вы тут робіце? Гэта ж не месца для пасідзелак!» Ці законна гэта — знаходзіцца ў пад’ездзе, калі ты там не пражываеш, ці могуць выгнаць, пытаецца яна.
На пытанне выданню «АіФ» адказаў адвакат Станіслаў Каралёў.
Закона, які забараняў бы знаходжанне старонніх у пад’ездзе, не існуе. Але варта разумець, што пад’езд — гэта не грамадскае месца, а частка сумеснай маёмасці жыхароў дома. За яе захаванасць і стан адказваюць самі ўладальнікі кватэр, таму яны маюць права звяртаць увагу на паводзіны наведвальнікаў і, пры неабходнасці, прасіць іх пакінуць тэрыторыю, кажа адвакат.
Аднак калі людзі не парушаюць цішыню, не ствараюць пагрозы пажарнай або санітарнай бяспецы, не псуюць маёмасць, то юрыдычных падстаў для іх выдварэння няма. Жыхары не могуць патрабаваць пакінуць пад’езд толькі на падставе таго, што чалавек там не пражывае.
Такім чынам, сядзець у пад’ездзе можна — але важна паважліва ставіцца да прасторы, не шумець і не ствараць нязручнасцяў тым, хто там жыве.
-
Пісаў у чатах па-беларуску і сам рамантаваў сваё аўто. Кіраўніка інавацый IT-кампаніі 4RM Systems кінулі за краты за палітыку
-
Лукашэнка сёння асабіста правярае боегатоўнасць Узброеных сіл
-
Круіз на цеплаходзе «Белая Русь» па рэках Палесся каштуе як адпачынак у Турцыі. Але каюты на вясну-лета амаль выкупленыя
Цяпер чытаюць
Круіз на цеплаходзе «Белая Русь» па рэках Палесся каштуе як адпачынак у Турцыі. Але каюты на вясну-лета амаль выкупленыя6
Каментары