У кастрычніку 2026 года ў Беларусі пройдуць два буйныя вайсковыя вучэнні пад эгідай АДКБ. Пра гэта паведамілі ў Міністэрстве абароны.
Плануецца правядзенне камандна-штабных вучэнняў «Непарушнае братэрства», у якіх традыцыйна ўдзельнічаюць міратворчыя сілы, а таксама спецыяльных вучэнняў «Бар’ер» з удзелам войскаў радыяцыйнай, хімічнай і біялагічнай абароны. Дакладныя даты пакуль не названыя.
Усяго ў 2026 годзе ў рамках АДКБ запланавана каля 60 розных мерапрыемстваў, сярод якіх восем — гэта камандна-штабныя і спецыяльныя вучэнні.
У сакавіку адбудзецца стратэгічная штабная трэніроўка аб’яднанага штаба і сакратарыята арганізацыі. У верасні ў Казахстане пройдуць вучэнні «Рубеж», а ў верасні—кастрычніку ў Расіі запланаваныя манеўры «Узаемадзеянне», «Пошук» і «Эшалон». У кастрычніку ў Таджыкістане таксама адбудуцца спецыяльныя вучэнні «Кобальт» і «Скала».
У 2025 годзе ў рамках АДКБ правялі 61 мерапрыемства, уключаючы сумесныя вучэнні і штабныя трэніроўкі.
У склад гэтай арганізацыі ўваходзяць Беларусь, Расія, Казахстан, Кыргызстан, Таджыкістан і Арменія, хоць апошняя ў апошнія гады энтузіязму не праяўляе і ўвогуле заяўляла пра намеры выйсці з АДКБ.
У Маскве побач з цэнтрам, які распрацоўвае інструменты масавага сачэння за расіянамі, узарвалася машына
Віцебскія дэсантнікі зрабілі марш-кідок да ўкраінскай мяжы. Куды менавіта?
Падчас праверкі баявой гатоўнасці арміі Лукашэнка абышоўся без Хрэніна
Па распараджэнні Лукашэнкі распачатая маштабная праверка Узброеных сіл
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах1
Памерла палітзняволеная Алена Панкова. Паўгода назад яе асудзілі за ўдзел у пратэстах
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары