«Чырвоныя лініі»: Трамп адказаў, пры якіх умовах ЗША выйдуць з перамоў адносна вайны
Амерыканскі лідар адкрыта адзначыў, што ёсць «добрыя шанцы» завяршыць гэтую вайну, але ўхіліўся ад падрабязнасцяў.
Дональд Трамп заявіў, што ЗША маюць «вельмі добрыя шанцы» спыніць вайну ва Украіне. Аднак падчас інтэрв’ю NBC News ён ухіліўся ад адказу, што можа стаць вырашальным для рашэння выйсці з мірных перамоў.
Адказваючы на пытанне, што для яго з’яўляецца чырвонай лініяй, момантам, калі варта сказаць: «Вось і ўсё, мы сыходзім (выходзім з перамоў)?», Трамп сказаў:
«Ну, ты ж ведаеш. То-бок, магчыма, калі-небудзь я гэта скажу… Я не магу… Магчыма, гэта немагчыма зрабіць (завяршыць вайну)».
Трамп дадаў, што «існуе велізарная нянавісць паміж гэтымі двума мужчынамі (Пуціным і Зяленскім)), некаторымі салдатамі і генераламі». У той жа час лідар ЗША дадаў, што «ў нас ёсць вельмі добрыя шанцы» завяршыць вайну.
Інтэрв’юерка ўдакладніла, ці адбудзецца гэта хутка, калі Трамп пойдзе на канчатковае спыненне абмену ваеннай інфармацыяй і разведданымі.
«Я не хачу гэтага зараз казаць. Яшчэ рана пра гэта казаць. Я не хачу ўступаць у гэтую спрэчку», — дадаў Трамп.
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі11
Каментары