Будынак, які з'яўляецца гісторыка-культурнай каштоўнасцю нацыянальнага значэння, прадаецца за даўгі скандальна вядомага забудоўшчыка.
Будынак выставіла на продаж «БелЮрЗабеспячэнне». Электронныя таргі прызначаныя на 15 мая, прыём заявак — да 14 мая. Пачатковы кошт аб’екта складае 612 тысяч рублёў (прыкладна 200 тысяч даляраў).
Будынак былой сінагогі размешчаны на вуліцы Першамайскай, 40. Гэтая вуліца да Другой сусветнай вайны называлася Пінскай вуліцай, а яўрэйская школа на ёй згадваецца ўжо ў 1563 годзе.
Цяперашняя мураваная сінагога была ўзведзена ў сярэдзіне XIX стагоддзя, па некаторых звестках у 1840-х гадах. Сінагога была пабудавана на вялікім участку паміж ракой Кобрынкай, вуліцай Пінскай, гарадскімі лазнямі і ўчасткам Франкоўскага. Па архітэктурнай кампазіцыі гэта базілікальны храм без вежаў, з двухсхільным дахам, арыентаваны з захаду на ўсход.
У спісе за 1853 год яна пазначана як «незавершаная будаўніцтвам», а побач з ёй дзейнічала яшчэ дзевяць малітоўных школ. Да 1913 года сінагога дзейнічала. Пазнейшыя дакументы аб яе функцыянаванні адсутнічаюць.
У час Другой сусветнай вайны будынак стаў цэнтрам гета, куды нацысты сагналі яўрэйскае насельніцтва з усёй акругі. Пасля вайны сінагога ўжо не выкарыстоўвалася як рэлігійны аб’ект: каштоўныя рэчы былі вывезеныя, будынак прыстасавалі пад вытворчыя патрэбы.
У 1980-х гадах тут размяшчаўся цэх па вытворчасці піва і безалкагольных напояў Кобрынскага кансервавага завода. У 1990-я гады будынак пачаў занепадаць.
Планы аднавіць сінагогу як культурны цэнтр яўрэйства Заходняй Беларусі і музей гісторыі і этнаграфіі яўрэяў Брэстчыны не былі рэалізаваныя.
Сінагога за даўгі
Цяпер сінагога прадаецца за даўгі «Жылбудкамплекта», забудоўшчыка, які праславіўся тым, што там і не дабудаваў жылы комплекс «Грушаўскі пасад» у Мінску. 430 дольшчыкаў перадалі кампаніі больш за 58 мільёнаў рублёў, але кватэры так і не атрымалі. У выніку дзяржаўны забудоўшчык завяршыў будаўніцтва, а кіраўнікі «Жылбудкамплекта» былі асуджаныя.
Гэтая гісторыя ўскладае на новага ўласніка гістарычнага помніка шэраг абцяжарванняў: ён знаходзіцца пад арыштам і на яго распаўсюджваецца забарона на рэгістрацыйныя дзеянні.
Разам з будынкам прадаюць і зямельны ўчастак плошчай 57 сотак, які перадаецца на праве пастаяннага карыстання. Зямлю можна выкарыстоўваць выключна для размяшчэння аб'ектаў рэлігійнага (культавага) прызначэння.
Галыгіна прымусілі апраўдвацца за зварот да сілавікоў у 2020-м17
Галыгіна прымусілі апраўдвацца за зварот да сілавікоў у 2020-м
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары