Па словах намесніка міністра па падатках і зборах Уладзіміра Муквіча, дзякуючы дзеянням сілавікоў, у першую чаргу КДБ, у Беларусі былі выкрытыя сур'ёзныя і сістэматычныя выпадкі неаплаты падаткаў з боку рыэлтарскіх кампаній. Яны, паводле тлумачэнняў чыноўніка падчас прэс-канферэнцыі, хавалі даходы і падатковую базу, недаплачваючы грошы ў бюджэт.
На гэты момант МНС ужо праводзіць тры праверкі, а шэраг яшчэ плануецца. Некаторыя кампаніі, як адзначыў Муквіч, самі пайшлі на выпраўленне парушэнняў, але «знаходзяцца і тыя, хто лічыць, што дзяржава не зможа даказаць іх вінаватасць».
Намеснік міністра таксама адзначыў выяўленыя парушэнні ў іншых сферах:
- Таксі: каля 1800 перавозчыкаў трапілі пад увагу падаткавікоў, хоць усяго ў рэестры каля 5000 суб’ектаў. Паводле ацэнак, сума ўхілення ад падаткаў перавысіла 100 мільёнаў рублёў. Праведзеныя 764 адміністрацыйныя працэсы, арыштавана 38 аўтамабіляў, а сума ўтоенай выручкі склала 2,8 мільёна рублёў.
- Медыцынскія паслугі: выяўлена ўтоеная выручка на 10 мільёнаў рублёў.
- Гульнявы бізнэс: з пачатку 2025 года выяўлена больш за 30 парушэнняў, вінаватыя прыцягнуты да адказнасці. Адна кампанія страціла ліцэнзію за нявыплату падаткаў.
Нагадаем, што яшчэ ў красавіку 2025 года ў Беларусі прайшлі масавыя ператрусы ў агенцтвах нерухомасці: былі затрыманні, у тым ліку кіраўнікоў. А 12 мая Аляксандр Лукашэнка падпісаў новы закон аб рыэлтарскай дзейнасці, які ліквідуе інстытут агентаў па аперацыях з нерухомасцю.
Сілавікі пайшлі па агенцтвах нерухомасці. Былі затрыманні кіраўнікоў
Стала вядомая прычына хвалі ператрусаў у агенцтвах нерухомасці
«У дзяржавы няма грошай. Іх трэба знайсці». Супрацоўнік агенцтва нерухомасці расказаў пра нядаўнія ператрусы
Рыэлтарскі бізнэс «нармалізуюць». Экспертка расказала, чаго чакаць
Арыштаваны дырэктар Палаца Рэспублікі, адзін з арганізатараў Марафона адзінства9
Каментары
Даже с учётом того, что КГБ раньше активно набирал себе кадры в налоговой.