У Вільні прайшоў «Чарнобыльскі шлях» з удзелам украінцаў і літоўцаў
Беларусы ў нядзелю ў Вільні разам з украінцамі, літоўцамі і прадстаўнікамі міжнародных арганізацый ушанавалі памяць ахвяр Чарнобыльскай катастрофы і заклікалі да бяз'ядзернай будучыні.
У нядзелю, 27 красавіка, на плошчы Кудзіркі ў Вільні адбыўся мітынг у межах акцыі «Чарнобыльскі шлях-2025». Акцыю пачалі з выканання гімнаў Беларусі, Украіны і Літвы, падкрэсліваючы салідарнасць народаў у змаганні за мірную і бяспечную будучыню, напісаў палітык Франак Вячорка.
Удзельнікі ўшанавалі памяць ахвяр Чарнобыльскай катастрофы, выступілі супраць размяшчэння ядзернай зброі ў Беларусі, заклікалі да паэтапнага вываду з эксплуатацыі БелАЭС і выказалі салідарнасць з украінскім народам, які адчувае ядзерную пагрозу падчас вайны.
Пасля афіцыйнай часткі адбыўся антыядзерны роварны прабег, удзельнікі звярталі ўвагу мінакоў на небяспеку ядзерных пагроз у нашым рэгіёне.
Былы міністр культуры Руслан Чарнецкі знайшоў сабе падпрацоўку9
Каментары
Гэта пытанне грамадзянаў Польшчы, і большасць грамадзянаў гэтай краіны за будаўніцтва. Таму ўсе асноўныя кандыдаты ў прэзідэнты (выбары менш, чым праз месяц 18 траўня) таксама за. І беларусы не абмежаваны ў сваіх правах у Польшчы, у адрозненні ад Літвы, Украіны і іншых краінаў. Таму было б правакацыяй супраць беларусаў, якія вымушаны былі эміграваць у Польшчу, каб хтосці пачаў у Вільні казаць пра АЭС у Польшчы. Дарэчы, з Літвы ўжо вельмі шмат беларусаў мусілі пераехаць у Польшчу. І на заканчэнне, лічу, што вялікай перамогай Масквы, было тое, што ў Літве забаранілі будаваць АЭС у 2012 году.