Пяць назіральных вышак вышынёй па 70 метраў паставяць на польска-беларускай мяжы ў дадатак да наяўнага электроннага бар'ера, заявіў у інтэрв'ю агенцтву РАР прэс-сакратар Памежнай службы Польшчы Анджэй Южвяк.
Паводле слоў чыноўніка, мантаж збудаванняў у Падляшскім ваяводстве каля рэк Свіслач і Крынічка працягнецца да снежня гэтага года. Кошт праекта складае каля 47 мільёнаў злотых (каля 11,75 мільёна даляраў).
На 70-метровых вышках паставяць сучасныя оптыка-электронныя прыборы назірання і розныя тыпы камер, прадугледжана таксама начное асвятленне мясцовасці пад аховай.
«Выбару гэтых месцаў папярэднічаў скрупулёзны аналіз, падчас якога ўлічваліся ў тым ліку ўмовы рэльефу мясцовасці, прававы статус аб'екта, патэнцыйная далёкасць назірання і размяшчэнне вышак у дачыненні адна да адной такім чынам, каб ахапіць відэаназіраннем максімальную тэрыторыю», — сказаў Анджэй Юзвяк.
Ён таксама адзначыў, што другая запланаваная на польска-беларускай мяжы частка работ — рэканструкцыя тэхнічнай дарогі, якая праходзіць уздоўж сталёвага плота. Яе збіраюцца заасфальтаваць.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары