Знаўца Леанід Клімовіч вярнуўся ў маскоўскі «Што? Дзе? Калі?»
Заснавальнік гомельскага інтэлектуальнага руху згуляў у камандзе Віктара Сіднева.
Знаўца Леанід Клімовіч вярнуўся ў маскоўскі «Што? Дзе? Калі?». Ён згуляў у мінулую нядзелю ў камандзе Віктара Сіднева.
Разам з беларусам за сталом былі Аляксандр Друзь, Аксана Петрунько, Міхаіл Дзюба, Барыс Левін.
Апошні раз Клімовіч браў удзел у маскоўcкім «Што? Дзе? Калі» 11 гадоў таму, а першы раз удзельнічаў у 1981 годзе.
Леанід правільна адказаў на адно пытанне бліца, двойчы на звычайныя пытанні гульні (гэта былі яго версіі), але адказаў няправільна на адно пытанне.
Тым не менш ён быў прызнаны найлепшым у гульні і атрымаў «Крышталёвы атам».
Гэты сезон у «Што? Дзе? Калі?» — юбілейны 50-ы.
Мінулы раз, 30 сакавіка, за сталом гуляла каманда вядучых, якую ўзначальваў Алесь Мухін, у яе складзе быў Вадзім Галыгін.
Пасля пачатку поўнамаштабнай вайны Расіі супраць Украіны ў 2022-м некаторыя знаўцы пакінулі клуб, гульні якога паказваюць на дзяржаўным расійскім тэлебачанні.
Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты7
Каментары