Усяго патроху22

Колькасць насельніцтва планеты сістэматычна заніжаецца — навукоўцы

Нядаўняе даследаванне паказала, што ў некаторых рэгіёнах насельніцтва можа перавышаць афіцыйныя звесткі на 84%.

Дакладныя звесткі аб колькасці насельніцтва з’яўляюцца ключавым элементам у навуковых, сацыяльных і экалагічных даследаваннях — ад планавання рэсурсаў і інфраструктуры да даследавання хвароб і кіравання рызыкамі прыродных катастроф.

Ацэнкі колькасці насельніцтва свету, якія выкарыстоўваюць такія арганізацыі, як ААН і Сусветны банк, у асноўным грунтуюцца на перапісах насельніцтва. Акрамя іх, даследчыкі таксама абапіраюцца на спадарожнікавыя здымкі, якія дапамагаюць вызначыць забудаваныя тэрыторыі і ўзровень начнога асвятлення.

Аднак, як сцвярджаюць аўтары даследавання, вынікі якога апублікаваны ў часопісе Nature Communications, такія метады працуюць для гарадоў, але для сельскай мясцовасці яны не заўжды дакладныя. У выніку ў глабальных дэмаграфічных даных адсутнічае значная частка сельскага насельніцтва. Істотныя разыходжанні назіраюцца ў Кітаі, Бразіліі, Аўстраліі, Калумбіі і нават Польшчы.

Да такіх высноваў навукоўцы прыйшлі ў працэсе вывучэння 307 праектаў будаўніцтва плацін у 35 краінах, якія былі рэалізаваны ў перыяд з 1975 па 2010 год. Для больш позніх гадоў такой інфармацыі не знайшлося.

Як тлумачаць аўтары, калі будуюць плаціны, адбываецца затапленне вялікіх тэрыторый, з якіх папярэдне перасяляюць людзей. У такіх выпадках насельніцтва пералічваецца дакладна, таму што кампаніі, якія займаюцца будаўніцтвам, выплачваюць кампенсацыі.

Атрыманыя даныя з такіх тэрыторый вучоныя параўналі з інфармацыяй, якая размешчана ў пяці найбольш аўтарытэтных глабальных базах дадзеных аб насельніцтве. Высветлілася, што існуючыя ацэнкі заніжаюць колькасць сельскага насельніцтва ад 53% (у базе WorldPop) да 84% (у GHS-POP).

«Гэта значыць, што нават у самай дакладнай базе даных колькасць сельскага насельніцтва заніжана як мінімум удвая», — адзначаюць даследчыкі.

Як тлумачаць аўтары, комплексны збор дадзеных аб насельніцтве ў сельскай мясцовасці прадстаўляе асаблівыя складанасці. У многіх краінах адсутнічаюць неабходныя фінансавыя рэсурсы для дакладнага ўліку людзей, асабліва калі насельніцтва раскідана па вялікай тэрыторыі.

Акрамя таго, насельніцтва ў аддаленых раёнах або ў зонах канфліктаў цяжка ахапіць перапісам, а перапісчыкі сутыкаюцца з моўнымі бар'ерамі і адмовамі ва ўдзеле.

Такія праблемы, адзначаюць аўтары, могуць прывесці да значных прабелаў у звестках. Напрыклад, у Парагваі падчас перапісу 2012 года, магчыма, не ўлічылі да чвэрці насельніцтва.

Яшчэ адна з прычын недакладнасцей — якасць спадарожнікавых здымкаў. Базы дадзеных GHS-POP і WorldPop выкарыстоўваюць спадарожнікавыя выявы з разрозненнем 100 метраў, што добра падыходзіць для вызначэння гарадскіх тэрыторый, дзе будынкі размяшчаюцца шчыльна. Аднак такое разрозненне занадта грубае, каб дакладна выяўляць маленькія вёскі і хутары, якія могуць быць моцна раскіданыя на вялікіх плошчах.

Акрамя таго, GHS-POP прымяняе фіксаваную маску, якая будуецца на аснове спадарожнікавых здымкаў будынкаў. Гэта азначае, што разлік насельніцтва вядзецца толькі ў зонах, дзе алгарытм выявіў будынкі.

Аднак праблема ў тым, што гэты метад знаходзіць усяго 4% будынкаў у сельскай мясцовасці, паколькі многія вёскі могуць быць схаваны пад густой расліннасцю або мець забудову, якая адрозніваецца ад гарадской. Гэта прыводзіць да значнага заніжэння ацэнкі насельніцтва ў сельскіх раёнах.

Як заўважаюць вучоныя выяўлена сістэматычная памылка ў бок недаацэнкі колькасці насельніцтва прыводзіць да таго, што сельскія рэгіёны ўвесь час сутыкаюцца з недахопам паслуг, рэсурсаў і магчымасцяў для развіцця.

У сувязі з тым, што ў сельскай мясцовасці пражывае каля 43% ўсяго насельніцтва планеты, атрыманыя вывады маюць далёка ідучыя наступствы і ставяць пад сумнеў афіцыйную інфармацыю аб тым, што на планеце пражывае 8,2 мільярда чалавек.

Аўтары заклікаюць да перагляду падыходаў да ацэнкі колькасці насельніцтва, каб у будучым сельскія рэгіёны не заставаліся ў нявыгадным становішчы пры размеркаванні рэсурсаў.

Каментары2

  • Яська гаспадар
    20.03.2025
    Загаловак не адпавядае зместу
  • Іксперд
    20.03.2025
    Калі ідзе гутарка пра кампенсацыю жытла, то заўсёды знаходзяцца сваякі і не толькі, якія фіктыўна прапісваюцца ў той мясцовасці альбо пратэндуюць на выплаты праз іншыя дзіркі ў законах.

Цяпер чытаюць

Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска3

Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска

Усе навіны →
Усе навіны

Атака Ізраіля па Іране: усё, што вядома на гэты момант18

«Сказалі, што прастрэляць калені». Гісторыя палітвязня, асуджанага за кінутую бляшанку з-пад энергетыка, калі яму было ўсяго 171

«Пры норме ў 12 пацыентаў прымае 30». Суд з-за выдаленага зуба ў Рагачове паказаў недахоп дактароў у рэгіёнах4

На Камароўскім рынку ў Мінску патаннелі клубніцы і чарэшня

Каб атрымаць месяц адпачынку, расійскія салдаты плацяць па 10000 еўра. А некаторыя робяць фіктыўныя аперацыі2

Паведамляецца пра выкід радыяцыі ў Натанзе ў Іране3

Арына Сабаленка пахвалілася моднай цацкай лабубу5

Трамп: Некаторыя ў Іране смела гаварылі. Цяпер яны мёртвыя, і будзе яшчэ горш!10

Чым вядомы Хасейн Саламі — камандуючы, які загінуў падчас ізраільскага ўдару8

больш чытаных навін
больш лайканых навін

Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска3

Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска

Галоўнае
Усе навіны →

Заўвага:

 

 

 

 

Закрыць Паведаміць