Аналітык Арцём Шрайбман паразважаў, ці зможа Еўропа нарасціць дапамогу Украіне.
Прэзідэнт ЗША Дональд Трамп спыніў вайсковую дапамогу Украіне. Наколькі змогуць краіны Еўропы яе кампенсаваць?
На погляд аналітыка Арцёма Шрайбмана, за тры гады вайны еўрапейцы рабілі недастаткова, хоць шмат абяцалі. Але самі еўрапейцы глядзяць на сітуацыю інакш. У якасці прыкладу Шрайбман згадаў сваю нядаўнюю размову з еўрапейскімі дыпламатамі:
«Вось мы нядаўна былі на адной сустрэчы з заходнімі дыпламатамі, і я аднаму сказаў: «Чаму мы павінны цяперашнія заявы аб тым, што Еўропа прачынаецца, неяк успрымаць інакш, чым тое, што вы гаварылі тры гады таму, калі поўнамаштабная вайна толькі пачалася? Вы ж нічога не зрабілі за гэтыя тры гады па вялікім рахунку». Ён адказвае: «Ну як гэта «нічога»? Мы свае чаканні ад сябе перавыканалі».
І я разумею, што гэта праўда»,
— заўважае Шрайбман у новым выпуску ютуб-праекта «Гадзіннічак цікае».
Аналітык дадае:
«Яны маюць рацыю ў тым, што перавыканалі свае ўласныя чаканні ад сябе і свае ўласныя магчымасці. Пытанне, ці ёсць у іх яшчэ запас, каб перавыканаць іх яшчэ так, каб гэтага хапіла. Наша планка чаканняў, каб гэта Украіну выратавала. А іх планка чаканняў — «Ну, мы сябе пераадолелі». Пытанне ў тым, ці сыдуцца гэтыя чаканні і рэальнасць».
На погляд Шрайбмана, патрабаванне з боку адміністрацыі Трампа да Еўропы ўзяць на сябе адказнасць за ўласную бяспеку прыводзіць да пэўнага абуджэння ЕС.
«Мне здаецца, гэта можа быць адзіным пабочным плюсам гэтай адміністрацыі ЗША. Я не гатовы потым выказаць ёй удзячнасць. Як некаторыя кажуць: Трамп на самой справе капітулюе ва Украіне, каб Еўропа адумалася. (…) Я ў гэта не веру, таму што выказваць удзячнасць ЗША ў такой сітуацыі гэта ўсё адно, як быць удзячным бацьку, які пайшоў з сям'і да суседкі, за тое, што дзеці навучыліся працаваць».
Цяпер чытаюць
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала29
Каментары
или только г***но на вентилятор умеешь накидывать и других хейтить?
а вот что ТЫ полезного людям рассказал?
Неприязнь к свободе слова и чужому мнению типично лукашистская.