Прэзідэнт ЗША Дональд Трамп заявіў, што з 4 сакавіка запрацуюць 25-працэнтныя тарыфы на тавары з Канады і Мексікі, а таксама будуць уведзеныя дадатковыя 10-працэнтныя тарыфы на імпарт з Кітая. Пра гэта ён напісаў на сваёй старонцы ў Truth Social.
Паводле слоў амерыканскага лідара, з Мексікі і Канады ў ЗША працягваюць паступаць наркотыкі «ў вельмі высокіх і непрымальных колькасцях», значная частка якіх вырабляецца і пастаўляецца з Кітая.
Трамп падкрэсліў, што летась ад гэтых наркотыкаў памерлі больш за 100 тысяч чалавек, а за апошнія 20 гадоў загінулі «мільёны людзей».
«Мы не можам дапусціць, каб гэтае бедства працягвала наносіць шкоду ЗША, і таму, пакуль яно не спыніцца ці не будзе сур'ёзна абмежавана, прапанаваныя тарыфы, запланаваныя на 4 сакавіка, сапраўды ўступяць у сілу, як і было запланавана», — напісаў Трамп.
Інфармацыя, што адміністрацыя Трампа прыняла рашэнне ўвесці высокія мыты супраць сваіх двух найбліжэйшых суседзяў на поўначы і поўдні, а таксама Кітая, з'явілася 31 студзеня. Пасля размоў з кіраўніцтвам гэтых краін, аднак, было прынята рашэнне адкласці ўвядзенне гэтых мераў на месяц.
Трамп пачаў гандлёвую вайну з Канадай, Мексікай і Кітаем
З 1 лютага ЗША ўводзяць высокія мыты супраць тавараў з Кітая, Канады і Мексікі
«Без нашай падтрымкі краіна перастане існаваць». Трамп зноў прапанаваў, каб Канада стала 51-м штатам ЗША
Кітай адказаў сваімі пошлінамі на гандлёвыя меры ЗША
ЗША адкладаюць санкцыі супраць Канады на месяц
ЗША на месяц прыпыняць увядзенне мытаў на мексіканскія тавары
Цяпер чытаюць
Памілаваныя 15 чалавек, сярод якіх 13 палітвязняў15
Каментары