ЗША запатрабавалі не называць Расію «агрэсарам» у заяве G7 па Украіне
ЗША выступілі супраць таго, каб назваць Расію агрэсарам у заяве «Вялікай сямёркі» (G7), якая рыхтуецца з нагоды трэцяй гадавіны ўварвання РФ ва Украіну. Пра гэта Financial Times расказалі пяць дасведчаных заходніх чыноўнікаў.
Паводле інфармацыі суразмоўцаў выдання, прадстаўнікі ЗША пярэчаць супраць фразы «расійская агрэсія» і падобных дэфініцый, якія лідары G7 выкарыстоўваюць з 2022 года для апісання вайны ва Украіне.
«Мы цвёрда перакананыя, што неабходна праводзіць адрозненне паміж Расіяй і Украінай. Гэта не тое самае. Амерыканцы блакуюць гэтую фармулёўку, але мы ўсё яшчэ працуем над гэтым і спадзяемся на пагадненне», — сказаў FT адзін з чыноўнікаў, які валодае інфармацыяй пра гэтую дыскусію.
Крыніцы таксама адзначылі, што ўдзел прэзідэнта Украіны Уладзіміра Зяленскага ў анлайн-саміце G7 у панядзелак, 24 лютага, таксама пакуль не ўзгоднены. Амбасада ЗША ў Кіеве не стала каментаваць сітуацыю, піша FT.
У «Вялікую сямёрку», акрамя Штатаў, уваходзяць Германія, Вялікабрытанія, Італія, Канада, Францыя і Японія.
13 лютага прэзідэнт ЗША Дональд Трамп заявіў, што Расію трэба вярнуць назад у склад G7. Краіну выключылі з гэтага нефармальнага аб'яднання пасля анексіі Крыма ў 2014 годзе.
«Зяленскі спаў»: Трамп заяўляе, што ў Кіеве груба абышліся з яго міністрам фінансаў, які прывёз праект пагаднення пра нетры
«Спадар прэзідэнт, не Украіна пачала гэтую вайну». Заявы Трампа аб Украіне і яго канфлікт з Зяленскім шакавалі многіх рэспубліканцаў
Дарадца Трампа звязаў яго рэзкія заявы аб Украіне з затрымкай «пагаднення па карысных выкапнях»
На X-старонцы Белага дома на Трампа надзелі каралеўскую карону. Гэта здзеклівы адказ апазіцыі
Джэй Дзі Вэнс пагражае Зяленскаму за кепскія словы пра Трампа
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары