Урад устанавіў новыя тарыфы на «камуналку» на 2025 год. Яны пачалі дзейнічаць з 1 студзеня 2025 года, гэта значыць, плаціць трэба будзе з лютагап. Колькі цяпер каштуюць электрычнасць, газ і іншыя паслугі ЖКГ?
Плацяжы па «жыроўцы» вырастуць на 0,5 базавай велічыні, гэта значыць на 21 рубель для тыпавой кватэры. Пры гэтым рост з 1 студзеня склаў 17,05 рубля, а з чэрвеня за кошт падаражання ацяплення і гарачай вады — яшчэ на 3,95 рубля.
Таксама з 1 студзеня падаражэла электрычнасць. Тут тарыфы падняліся на 11,9%. Мяркуецца, што для тыпавой кватэры пры нарматыўным спажыванні гэта дасць рост на 4 рублі 51 капейку.
Звадкаваны газ цяпер каштуе на 5% даражэй, гэта значыць, што балон вагой 21 кг у межах нарматыўнага спажывання абыдзецца ў 24,5 рубля. А вось цэны на прыродны газ не змяніліся і засталіся на ўзроўні мінулага года.
Паколькі тарыфы павялічылі з 1 студзеня, гэта азначае, што плаціць па «жыроўцы», якая прыйдзе ў лютым, мы будзем ужо па новых цэнах.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары