«Смеласці апярэдзіць старэйшага брата Пуціна хапіла толькі на некалькі гадзін». Фрыдман — пра вынікі выбараў
Цэнтрвыбаркам скарэктаваў тыя вынікі Лукашэнкі, што давалі невядомыя аўтары экзітполаў, да трохі больш сціплых лічбаў.
Ці напіша Аляксандр Лукашэнка сабе лічбу народнай падтрымкі, большую за пуцінскую — галоўная інтрыга прэзідэнцкіх выбарах 2025 года.
І спачатку падалося, што так, Лукашэнка пераплюне старэйшага брата: праўладны экзітпол учора агучыў першыя лічбы — Лукашэнку яны намалявалі 87,6%. І гэта было крыху больш, чым у Пуціна на мінулых выбарах — 87,28%.
Але ўсяго праз некалькі гадзін выступіў ЦВК з папярэднімі вынікамі. Лічба падтрымкі Лукашэнкі колькасна знізілася нязначна — менш чым на працэнт, але якасна — даволі сур'ёзна: 86,82% — гэта менш, чым у Пуціна.
«Смеласці апярэдзіць «старэйшага брата Пуціна» хапіла ўсяго на некалькі гадзін, — заўважыў палітолаг Аляксандр Фрыдман. — Ацэнка вынікаў «выбараў» не змянілася, але не буду хаваць, што Лукашэнка не апраўдаў маіх чаканняў. Прагноз на вынік у калідоры 87—92% не пацвердзіўся».
Ён адзначыў, што Лукашэнка ў клубе дыктатараў выглядае непаўнавартасна.
«Аліеў павіншаваў Лукашэнку з «упэўненай перамогай». Рахмон адзначыў «высокі вынік». З вуснаў «90-працэнтных» такія віншаванні «80-працэнтнаму» гучаць даволі двухсэнсоўна. З нецярпеннем чакаю віншаванне «97-працэнтнага» патрыярха Тэадора Абіанга Нгемы Мбасога з Экватарыяльнай Гвінеі», — дадаў Фрыдман.
Тэлевізійшчыкі паказалі жахлівую яўку на ўчастку, дзе галасаваў Лукашэнка
Лукашэнка прыйшоў на выбары з Умкам. Той памеціў выбарчы ўчастак
Лукашэнка сказаў, што не хацеў ісці на гэтыя выбары, але на яго накінулася Качанава
«Пляваць я хацеў на гэты Захад». Галасаванне Лукашэнкі пачалося з двух праколаў. А вось якія заявы ён зрабіў
Акцыі супраць прызнання выбараў Лукашэнкі прайшлі ў розных краінах
Цяпер чытаюць
Лукашэнка сустрэўся са спецпасланнікам Трампа Кітам Келагам15
Каментары