Беларусы пабеглі рабіць візы на жнівень — усё праз канцэрт Макса Каржа
Беларусы збіраюцца на жнівеньскі канцэрт Макса Каржа ў Варшаве — ды так актыўна, што ў візавых агенцтвах кажуць пра наплыў кліентаў.
Супрацоўніца аднаго візавага агенцтва расказала ў тыктоку, што атрымлівае багата запытаў на адкрыццё шэнгена да жніўня.
«Тыя, хто ўжо набыў квіток і хоча з’ездзіць на канцэрт, — не рабіце памылак мінулага года. У мінулым годзе ўсе пагалоўна падаваліся проста перад самім канцэртам на грэчаскую візу. Шмат хто, натуральна, атрымаў адмовы, бо ў Грэцыі даволі вялікі працэнт адмоваў», — раяць у агенцтве.
Некаторыя з беларусаў, хто паспеў урваць квіткі на канцэрт, скардзяцца ў тыктоку, як складана атрымаць візу. У каментарах ім прапануюць розныя варыянты, часам і зусім нечаканыя:
«Паспрабуйце іспанскую турыстычную візу зрабіць».
«Чытаў, што прасцей за ўсё праз Францыю трапіць — яна і бліжэй за ўсё, і шэнген афармляе без праблем».
«Мы так летам пераехалі ў іншую краіну дзеля таго, каб наведаць канцэрт».
Некаторыя каментатары дзеляцца, як у папярэднія гады спачатку купілі квіткі на канцэрт, а візу так і не атрымалі.
«Мы з маладым чалавекам таксама так зрабілі ў гэтым годзе. Звярнуліся ў візавы цэнтр, вынік — дзве адмовы».
«Я так у мінулым годзе зрабіла. Здагадайцеся, хто не быў на канцэрце?»
Што па цэнах? Напрыклад, агенцтва Premium Visa (яно супрацоўнічае з ініцыятывай «Движ Минск», якая рыхтуе тур адмыслова на канцэрт у Варшаве) называе самым даступным грэчаскі шэнген. За яго на сёння трэба будзе заплаціць 580 рублёў: 280 з іх пойдзе на консульскі і сэрвісны зборы ў візавым цэнтры і яшчэ 300 — на падрыхтоўку анкеты, запіс на візу, браніраванне гатэля і авіапералёту, падрыхтоўку маршрутнага ліста.
За іспанскі шэнген просяць агулам 880 рублёў, за італьянскі — больш за 2500 рублёў. У выпадку з даражэзным італьянскім шэнгенам агенцтва абяцае, што не трэба будзе хвалявацца наконт магчымых адмоваў у візе.
«Наша Нiва» — бастыён беларушчыны
ПАДТРЫМАЦЬ«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары
Рыгорыч, напэўна, і сам бы ім візы аплаціў, каб пар выпусціць у выбарны час!
Стан беларушчыны, 2024 год.