Прэзідэнт Украіны Уладзімір Зяленскі заявіў, што ўкраінскія сілы нанеслі далёкія ўдары па аб'ектах у акваторыі Каспійскага мора. Паводле яго слоў, УСУ паразілі судны, якія выкарыстоўваліся для перавозкі вайсковых грузаў з Ірана ў Расію, а таксама расійскі вайсковы карабель. Пра гэта ён паведаміў у сваім тэлеграм-канале, адзначыўшы, што вынікі аперацыі былі вельмі паспяховымі.
Таксама Зяленскі паведаміў, што ў ноч на 25 ліпеня Сілы абароны Украіны нанеслі ўдары па шэрагу аб'ектаў, звязаных з матэрыяльна-тэхнічным забеспячэннем расійскай арміі. Паводле яго інфармацыі, пад удар трапілі нафтаперапрацоўчы завод у Цюмені, лагістычны аб'ект кампаніі Wildberries у Екацярынбургу, а таксама склад паліўна-змазачных матэрыялаў у Растове-на-Доне.
Акрамя таго, украінскі прэзідэнт пацвердзіў паражэнне прадпрыемства ў Кіраве, дзе вырабляюцца камплектуючыя для ўзбраення, якое Расія выкарыстоўвае ў баявых дзеяннях супраць Украіны. Ён адзначыў, што гэты аб'ект знаходзіцца прыкладна за 1200 кіламетраў ад дзяржаўнай мяжы Украіны.
Служба бяспекі Украіны паведаміла дадатковыя падрабязнасці пра аперацыі ў Каспійскім моры. Паводле інфармацыі ведамства, беспілотнікі атакавалі нафтаздабыўную платформу на радовішчы «Філаноўскага», грузавыя судны, якія знаходзяцца пад міжнароднымі санкцыямі і выкарыстоўваліся для перавозкі вайсковых грузаў паміж Іранам і Расіяй, а таксама ракетны катар праекта 12418 «Маланка».
У СБУ заявілі, што гэтыя дзеянні сталі адказам на расійскія ўдары па ўкраінскіх партах на поўдні краіны і спробы перашкаджаць украінскаму суднаходству. У ведамстве падкрэслілі, што такія аперацыі праводзяцца ў рамках права Украіны на самаабарону і будуць працягвацца ў адказ на дзеянні Расіі.
Дроны атакавалі Цюмень больш чым за 2000 км ад мяжы Украіны
Зяленскі анансаваў з'яўленне ва Украіны беспілотнікаў з далёкасцю палёту да 10 тысяч кіламетраў
Расія атакуе Чорнае мора, пад ударам украінскія парты і судны. Наколькі гэта крытычна?
Украінскія дроны дашчэнту спалілі яшчэ два склады Wildberries у Расіі — чацвёрты і шосты па велічыні
Каментары