Майстра «Гроднажылбуда» асудзілі на чатыры гады калоніі за каментары пра сілавікоў і ўдзел у пратэстах
Гродзенскі абласны суд у будынку суда Кастрычніцкага раёна Гродна 22 лістапада разглядзеў крымінальную справу супраць палітвязня Дзмітрыя Голуба.
Фота: БелТА
Яго судзілі паводле трох крымінальных артыкулаў:
- ч. 1 арт. 130 (распальванне іншай сацыяльнай варожасці),
- ч. 1 арт. 368 (абраза Лукашэнкі),
- ч. 1 арт. 342 (актыўны ўдзел у дзеяннях, якія груба парушаюць грамадскі парадак).
Суддзя Дзмітрый Бубенчык прызначыў палітвязню чатыры гады калоніі ва ўмовах агульнага рэжыму, піша «Вясна».
Паводле матэрыялаў крымінальнай справы, Дзмітрый з лістапада 2019 года па студзень 2024 года пакідаў каментары ў чатах Telegram і на YouTube-канале пра сілавікоў, журналістаў, прадстаўнікоў улады і Лукашэнку. Таксама яго абвінавацілі ва ўдзеле ў акцыі пратэсту ў 2020 годзе.
Фота: БелТА
На абвяшчэнне прысуду ў судовую залу прывялі студэнтаў Гродзенскага дзяржаўнага ўніверсітэта імя Янкі Купалы. Пасля студэнтам правялі лекцыю «на тэму экстрэмізму».
Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2
Каментары