Ганна Канапацкая патлумачыла, чаму не выдаляе здымкі з БЧБ-сімволікай з сацсетак. Вы будзеце смяяцца
Палітык Ганна Канапацкая дала інтэрв'ю выданню «Точка». У ім яна патлумачыла, чаму не чысціць свае сацсеткі ад фотак з нацыянальнай сімволікай, за якія цяпер можна трапіць за краты.
«Апазіцыйны экс-дэпутат, якой прапанавалі пасаду ва ўрадзе. Прайшла прэзідэнцкія выбары — 2020, але засталася ў краіне і на волі», — так смела выданне прадставіла Канапацкую чытачам.
Сярод іншага, «Точка» пацікавілася ў гутарцы, чаму Канапацкая не выдаляе здымкі з нацыянальнай сімволікай.
«Многія палітыкі і актывісты, якія засталіся ў Беларусі, у апошні час пачысцілі свае акаўнты. У архівах Instagram Канапацкай можна знайсці як фота з бел-чырвона-белым сцягам і «Пагоняй», так і сімволіку забароненых у Беларусі медыяў», — піша «Точка».
Выданне нагадвае, што ў 2021 годзе Генпракуратура запусціла працэдуру прызнання сцяга «экстрэмісцкім».
«КаАП прадугледжвае адказнасць за выкарыстанне забароненай сімволікі падчас масавых мерапрыемстваў. Правапрымяняльная практыка апошніх гадоў такая, што прыцягнуць да адказнасці могуць за любую публічную дэманстрацыю — нават у інтэрнэце», — дадае выданне.
У Канапацкай сваё ўяўленне пра рэальнасць, у якой яна жыве.
«Законы Беларусі, як і любой іншай дэмакратычнай краіны, не маюць зваротнай сілы. Калі вы звернеце ўвагу на даты фатаграфій, якія стаяць, публікацыі зроблены ў той момант, калі гэтыя сімвалы было дазволена выкарыстоўваць у Беларусі», — кажа палітык пра Беларусь як «любую дэмакратычную краіну».
Між тым звычайных беларусаў караюць нават за рэпосты дзесяцігадовай даўніны. І нават пралукашэнкаўскіх.
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2222
Каментары