Прэзідэнт Польшчы мае ў найбліжэйшыя дні вылецець на сустрэчу з Трампам
Заяўка на браніраванне самалёта ўжо пададзена. Чакаецца пацвярджэння часу сустрэчы.
Пра тое, што прэзідэнт Польшчы Анджэй Дуда ўзгадняе дэталі сустрэчы з Дональдам Трампам, расказаў журналістам прэм'ер-міністр Польшчы Дональд Туск.
Па інфармацыі Onet.pl, сустрэча Дуды з Трампам можа адбыцца нават у бліжэйшыя гадзіны, да 11 лістапада, калі Польшча святкуе Дзень незалежнасці.
Журналісты даведаліся, што канцылярыя прэзідэнта Польшчы падала заяўку на браніраванне самалёта для палёту ў ЗША. Чакаецца пацвярджэнне даты сустрэчы.
Калі не ўдасца дамовіцца аб сустрэчы да свята, то візіт адбудзецца ў бліжэйшыя дні пасля іх.
Польскі прэм'ер дадаў, што Анджэй Дуда «шмат уклаў у свае асабістыя адносіны» з Трампам, таму Польшча можа выкарыстоўваць гэта для «амерыканска-польскіх перамоваў, асабліва ў кантэксце Украіны».
Нагадаем, што ў красавіку гэтага года польскі прэзідэнт сустракаўся з Дональдам Трампам у час свайго візіту ў ЗША.
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Каментары