У ЦВК пададзеныя дакументы аб рэгістрацыі ініцыятыўнай групы грамадзян па зборы подпісаў выбаршчыкаў у падтрымку вылучэння Аляксандра Хіжняка кандыдатам у прэзідэнты Беларусі.
Аляксандр Хіжняк — старшыня дэкаратыўнай Рэспубліканскай партыі працы і справядлівасці.
Таксама ён дырэктар «БелНДІПгорадабудаўніцтва» і заадно дэпутат Мінгарсавета.
БелТА паведамляецца, што Хіжняк схадзіў у ЦВК, каб падаць дакументы, асабіста.
Аляксандр Хіжняк нарадзіўся 16 сакавіка 1978 года ў Хойніках. Але пасля аварыі на ЧАЭС сям'я пераехала спачатку ў Смалявіцкі раён, пасля ў Віцебскую вобласць, а ўрэшце ў пасёлак Чысць Маладзечанскага раёна.
У 2000 годзе скончыў Беларускі камерцыйны ўніверсітэт кіравання па спецыяльнасці «Правазнаўства», працаваў у праектным інстытуце «Белдзіпрааграхарчпрам» на пасадах ад вядучага да галоўнага юрысконсульта.
Пасля працаваў у «БелНДІПгорадабудаўніцтва» галоўным юрысконсультам, начальнікам інфармацыйна-прававога аддзела, кіраўніком прадстаўніцтва ў Смаленскай вобласці. З 2015 года дырэктар «БелНДІПгорадабудаўніцтва».
У 2006 і 2015 гадах «за добрасумленную працу і актыўны ўдзел у грамадскім жыцці» атрымаў падзякі Лукашэнкі. У 2025 годзе мае добры шанец папоўніць гэтую калекцыю.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Малады і красівы, я б падпісалася, але баюся.