Што не так з пірожным «Карзіначка»? Доктарка расказала, што катэгарычна нельга есці цяжарным
У спіс трапілі прадукты, на склад якіх шмат хто не звяртае ўвагі.
Папулярная беларуская гінекалагіня Марыя Такунова растлумачыла падпісчыцам у інстаграме, чаму для цяжарных можа быць небяспечным папулярнае пірожнае.
Высветлілася, што не кожная «Карзіначка» патэнцыйна небяспечная для цяжарных. Але перад тым, як набыць такое салодкае да чаю, трэба ўважліва паглядзець яго склад. У тым пірожным, якое трапіла ў рукі доктаркі, у складзе крэму быў пазначаны сыры курыны бялок. Цяжарным катэгарычна нельга есці сырыя яйкі праз небяспеку заразіцца сальманелёзам.
Па той жа прычыне трэба ўдакладняць склад «Тырамісу» — бо ў класічным рэцэпце дадаюць сырыя яйкі. А ад яек Бенедыкт на час цяжарнасці варта адмовіцца цалкам. Усе прадукты жывёльнага паходжання, якія есць цяжарная, павінны быць тэрмічна апрацаваныя.
Доктарка-блогерка звярнула ўвагу на некалькі невідавочных момантаў.
— Прамысловыя сыры часцей за ўсё вырабляюцца з пастэрызаванага малака, значыць іх можна есці. Калі купляеце хатнія (фермерскія) сыры, удакладняйце, з якога малака яны зроблены — сырога або пастэрызаванага. Чытайце апісанне на бляшанках з ікрой. Проста замарожаную ікру цяжарным нельга. Пастэрызаваную можна.
Яна таксама адзначыла:
— У матуль, якія кормяць грудзямі, такой забароны няма. Можна есці тартар, сушы і заядаць пірожнымі з бялковым крэмам з сырых яек.
Але вядома, у здаровых межах.
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць48
Каментары