Амерыканскія палітыкі заклікаюць Украіну знізіць узрост мабілізацыі да 18-19 гадоў. Зяленскі супраць
Дарадца кіраўніка Офіса прэзідэнта Украіны расказаў пра ціск на Уладзіміра Зяленскага з боку амерыканскага істэблішменту.
Прадстаўнікі Дэмакратычнай і Рэспубліканскай партый ЗША заклікаюць Уладзіміра Зяленскага знізіць узрост мабілізацыі ва Украіне да 18 гадоў.
Пра гэта ў сваім тэлеграм-канале напісаў дарадца кіраўніка Офіса прэзідэнта Украіны Сяргей Лешчанка.
«Калі гэтая інфармацыя ўсплыла на паверхню, магу пацвердзіць: амерыканскія палітыкі з абедзвюх партый ціснуць на прэзідэнта Зяленскага ў пытанні, чаму ва Украіне не праводзіцца мабілізацыя тых, каму ад 18 да 25 гадоў. Аргумент партнёраў такі: калі была вайна ЗША ў В'етнаме, туды забіралі з 19 гадоў», — напісаў Лешчанка.
З ягоных слоў, прадстаўнікі амерыканскага істэблішменту звязваюць гэтае пытанне з новымі пастаўкамі зброі ва Украіну.
«Прэзідэнт Зяленскі не прадавіўся і працягвае пераконваць палітыкаў з абедзвюх партый даваць зброю без змены прызыўнога ўзросту», — дадаў Лешчанка.
На гэты момант ніжняя планка мабілізацыі ва Украіне складае 25 гадоў. Нядаўна ўкраінскія СМІ са спасылкай на дэпутатаў паведамлялі, што ў Вярхоўнай Радзе абмяркоўваюць магчымасць паніжэння гэтага ўзросту.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта5
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары