Той назваў гэтае рашэнне перамогай дэмакратыі.
Вярхоўны суд ЗША пастанавіў, што былы прэзідэнт Дональд Трамп валодае частковым імунітэтам ад судовага пераследу за дзеянні, учыненыя падчас яго знаходжання ў Белым доме. Гэта рашэнне, верагодна, адтэрмінуе працэс па абвінавачванні экс-прэзідэнта ў змове з мэтай адмяніць вынікі выбараў 2020 года, а таксама можа паўплываць на іншыя справы супраць яго, піша Бі-бі-сі.
Кансерватыўны старшыня Вярхоўнага суда Джон Робертс заявіў, што прэзідэнт карыстаецца «абсалютным імунітэтам» ад крымінальнага пераследу за афіцыйныя дзеянні, учыненыя падчас знаходжання на пасадзе.
«На неафіцыйныя дзеянні імунітэт не распаўсюджваецца», — сказаў Робертс, адправіўшы справу на разгляд у суд ніжэйшай інстанцыі, каб вызначыць, якое з абвінавачванняў, прад'яўленых былому прэзідэнту, адносіцца да афіцыйнага або неафіцыйных паводзін.
Дональд Трамп назваў гэтае рашэнне перамогай дэмакратыі.
«Вялікая перамога для нашай Канстытуцыі і дэмакратыі. Ганаруся, што я амерыканец!» — напісаў ён у сваёй сацсетцы Truth Social капслокам.
Трамп упэўнена перамог Байдэна на дэбатах
Байдэн не збіраецца здымацца з выбараў і абяцае перамогу нягледзячы на сумневы ў яго здароўі
Прычынай правалу Байдэна на дэбатах мог стаць час, у які гэтыя дэбаты праводзіліся
Амерыканскія СМІ назвалі, хто можа пераканаць Байдэна выйсці з прэзідэнцкай гонкі
Дональд Трамп апублікаваў першае відэа ў тыктоку
Каментары