Афганская журналістка пасля адмовы ў прытулку ў Расіі паляцела ў Кабул. На радзіме ёй пагражае смяротнае пакаранне
Афганская журналістка і феміністка Кобра Хасані, якую затрымалі ў Расіі пры спробе трапіць у Еўрасаюз, паляцела ў Афганістан 25 чэрвеня. Адвакаты дзяўчыны даведаліся пра гэта ад афганскай дыяспары, піша «Фонтанка».
Кобра Хасані працавала на афганскім тэлебачанні да жніўня 2021 года і змагалася за правы жанчын у краіне. Яна зʼехала з Афганістана неўзабаве пасля прыходу да ўлады талібаў і паступіла ў Кіеўскі дзяржаўны ўніверсітэт, з пачаткам вайны ва Украіне вырашыла перабрацца ў Еўропу.
Аднак аўтобус, які вывозіў уцекачоў з Украіны, замест Польшчы прыехаў у Расію. Хасані зноў паспрабавала патрапіць у Еўропу, але пры выездзе з Пецярбурга ў траўні 2022 года яе затрымалі разам з іншымі афганскімі бежанцамі за незаконнае перасячэнне мяжы.
Атрымаць прытулак у Расіі не ўдалося: ёй было адмоўлена.
Адвакаты і афганская дыяспара спрабавалі дапамагчы ёй зʼехаць у бяспечным кірунку: на радзіме дзяўчыне пагражае небяспека, паколькі яна адкрыта выступала супраць Талібану, які прыйшоў да ўлады ў краіне тры гады таму, і вяла лад жыцця, які не адпавядае патрабаванням радыкальных ісламістаў. У прыватнасці, яна атрымала вышэйшую адукацыю, працавала на тэлебачанні, выступала за правы жанчын, кіравала ўласным рэстаранам.
25 чэрвеня, падчас апошняга паседжання па апеляцыі на прысуд, Хасані вылецела з Масквы ў Кабул.
«Варыянтаў зʼехаць было шмат, ад Албаніі да Нямеччыны. Але ўсё патрабавала намаганняў, часу, грошай», — распавяла «Фантанцы» адвакат Марыя Бяляева.
Раней адвакаты не раз адзначалі, што на радзіме дзяўчыне можа пагражаць смяротнае пакаранне.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Лянота .