Грамадства1515

Пасля кансультацый з Лаўровым Алейнік пракаментаваў магчымае закрыццё пераходаў з Польшчай

Беларусь гатовая абмяркоўваць з Польшчай бяспеку на граніцы, заявіў журналістам міністр замежных спраў Беларусі Сяргей Алейнік па выніках перагавораў з расійскім калегам Сяргеем Лаўровым, перадае БЕЛТА.

 Фота: Straž graniczna

Кіраўнік беларускага МЗС падкрэсліў, што апошнія выказванні міністра замежных спраў Польшчы поўнасцю дысануюць з выказваннямі, якія Польшча рабіла некалькі тыдняў таму, прапануючы адкрыць дадатковыя пункты пропуску. «Але, на жаль, такія сёння палітычныя рэаліі», — заўважыў ён, забыўшыся ўзгадаць смерць польскага жаўнера ў выніку атакі мігрантаў. 

«Трэба дакладна разумець, што гэтыя заклікі і гэтыя прапановы нацэленыя не толькі і не столькі супраць польскіх грамадзян і польскіх рэгіёнаў, эканамічнага развіцця польскіх рэгіёнаў, колькі нацэленыя супраць грамадзян іншых краін ЕС, СНД і так званай Вялікай Еўразіі», — дадаў Алейнік. 

Ён запатрабаваў дыялогу на «раўнапраўнай і ўзаемапаважлівай аснове».

«У гэтых умовах адзіны шлях дээскалацыі — гэта шлях да дыялогу. Калі Польшча да гэтага гатовая, хаця б па пытаннях прыгранічнага супрацоўніцтва, супрацоўніцтва, якое згорнута па ініцыятыве польскага боку і іншых еўрапейскіх партнёраў, то мы гатовыя гэтыя тэмы абмяркоўваць. Але, безумоўна, на раўнапраўнай і ўзаемапаважлівай аснове», — рэзюмаваў міністр замежных спраў.

Сяргей Лаўроў таксама далучыўся да каментара, абвінаваціўшы заходніх лідараў, у тым ліку і польскіх палітыкаў, у адсутнасці паслядоўнасці.

«Калі яны кідаюцца з агню ды ў полымя, з адной крайнасці ў іншую, тлумачыцца гэта тым, што яны кіруюцца не карэннымі інтарэсамі свайго народа, у гэтым выпадку польскага, а сваімі канʼюнктурнымі ўнутрыпалітычнымі меркаваннямі напярэдадні чарговых выбараў (ці выбараў, што адбыліся). Да гэтага мы прызвычаіліся і ў поўнай меры ўлічваем гэту непаслядоўнасць і ненадзейнасць нашых еўрапейскіх суседзяў у сваім знешнепалітычным планаванні з беларускімі саюзнікамі», — заявіў кіраўнік расійскага МЗС.

22 чэрвеня стала вядома, што ўрад Польшчы разглядае магчымасць закрыцця апошніх пунктаў пропуску на мяжы з Беларуссю. 

«У сувязі з дзеяннямі Беларусі мы разглядаем магчымасць закрыцця ўсіх памежных пераходаў. Цяпер мы вывучаем пытанне, ці ўплывае гэта на эканоміку», — заявіў міністр замежных спраў Польшчы Радаслаў Сікорскі. 

Ён растлумачыў, што гэта звязана з беспарадкамі з мігрантамі на мяжы.

У той час, як Лаўроў прыляцеў у Мінск на сустрэчу з Алейнікам, прэзідэнт Польшчы Анджэй Дуда папярэдзіў кіраўніка КНР Сі Цзіньпіна пра абвастрэнне сітуацыі на беларускай мяжы, магчымым перакрыцці яе і магчымых наступствах гэтага для кітайскай лагістыкі тавараў.

Каментары15

  • Железный Дровосек
    25.06.2024
    Китай может таких пи*дюлей выписать этим двум октябрятам,если межу полностью закроют!
  • *
    25.06.2024
    Цмок, зачыняць, толькі не мяжу для таваразвароту. Сі няма цікавасьці да вас і не будзе. І нават калі здарыцца неверагоднае і будзе зачынена уся мяжа, то таксама роўным лікам нічога не зменіцца. Папросту Беларусь перастане быць транзітнай краінай, а стане тупіком. Але вам ад таго вальней жыць не стане
  • си разрулит
    25.06.2024
    Как си скажет, так лукашенко и лавров сделают....

Цяпер чытаюць

Асуджаны за «Гаюн» да хіміі брат Ігара Лосіка ўцёк з Беларусі3

Асуджаны за «Гаюн» да хіміі брат Ігара Лосіка ўцёк з Беларусі

Усе навіны →
Усе навіны

«Пакуль пашпарт дзейнічае». Эмігранты пра тое, ці не страшна ім адпраўляць у Беларусь дзяцей на летнія канікулы1

Жыхары райцэнтра ў Віцебскай вобласці гадамі скардзяцца на дрэнную ваду

Расія нарошчвае вытворчасць «шахедаў» і неўзабаве зможа запусціць 2000 за адну ноч11

У Італіі 78-гадовы мужчына «ажыў» праз 30 хвілін пасля спынення сэрца4

У Цюменскай вобласці «герой СВА» забіў сваю жонку ў дзень вяселля11

«Хацеў выратаваць хаця б нейкую колькасць людзей». Дачка беларуса, затрыманага па справе «Беларускага Гаюна», расказала пра бацьку6

«Неверагодны спектакль крывадушніцтва». Дзмітрый Гурневіч абурыўся ажыятажам вакол скандалу на канцэрце Coldplay25

Беларуская гандбалістка будзе гуляць за зборную Румыніі

Для беларускага фестывалю вырабілі трохметровы хот-дог ФОТАФАКТ9

больш чытаных навін
больш лайканых навін

Асуджаны за «Гаюн» да хіміі брат Ігара Лосіка ўцёк з Беларусі3

Асуджаны за «Гаюн» да хіміі брат Ігара Лосіка ўцёк з Беларусі

Галоўнае
Усе навіны →

Заўвага:

 

 

 

 

Закрыць Паведаміць