Ці можна перамагчы дыктатуру мірнымі пратэстамі ў 21 стагоддзі? Разважае Фрыдман
У новым выпуску ТОКу гісторык і аналітык Аляксандр Фрыдман тлумачыць, чым адрозніваюцца мірныя пратэсты ў Беларусі ад іншых.
На погляд Аляксандра Фрыдмана, паражэнне пратэстаў у Беларусі не значыць, што мірны пратэст не можа ў прынцыпе перамагчы.
Ёсць розныя дыктатуры, розныя чалавечыя фактары. Хапае прыкладаў, калі дыктатура была пераможаная такім чынам.
Але ў выпадку Лукашэнкі, адзначае аналітык, «відавочна, што яго перамагчы мірнымі пратэстамі было немагчыма». І гэта звязана з асаблівасцямі самога дыктатара.
«Калі паглядзець на іншых дыктатараў, то большасць з іх у такіх умовах селі б за стол перамоваў, пачалі размаўляць і шукаць нейкі кампраміс. <… > Але Лукашэнка — чалавек, які не схільны да кампрамісаў.
Тут адыгралі ролю яго асаблівасці. Гэта чалавек, які гатовы ісці да канца. Для якога ўлада — усё. Ён не можа ўявіць свайго існавання па-за межамі гэтай улады. Таму адказ гэтага рэжыму быў відавочны».
На погляд Фрыдмана, у 20-м годзе Лукашэнка, напэўна, быў гатовы ісці яшчэ далей:
«Калі б спатрэбілася падаўляць пратэсты больш жорстка, крывава, ён напэўна, пайшоў бы такім шляхам».
Фрыдман адзначае, што ў свеце заўважны трэнд на змяншэнне колькасці дэмакратычных краін, а змаганне з дыктатурамі ніколі не было лёгкім: «Дыктатары прыходзяць да ўлады не для таго, каб іх звяргалі. Яны прыходзяць да ўлады і адразу выбудоўваюць сістэму такім чынам, каб заставацца пры ўладзе як мага даўжэй».
Глядзіце цалкам:
Цяпер чытаюць
«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі11
Каментары
"Никто не даст нам избавленья
Ни бог, ни царь и не герой
Добьемся мы освобожденья
Своею собственной рукой..."
І счытаюць што відуць свяшчэнную барбу за права: "А нам січас не да законав"...
Таму апеліраваць на гуманізм, рацыянальнасць і якіясь маральныя прынцыпы - безсэнсоўна.
Гэта рэлігійная секта - атэістаў з праваслаўнай арыентацыяй. І дастаткова наведаць Курапаты каб зразумець што ім начхаць сколькі адправіць на той свет. Галоўнае што па целіку пакажуць у улюблёнай праграме: “заряд энергии и решительности”... Калі хто хоча паўдзельнічаць у масоўцы: "Галасуй, не галасуй усё адно палучыш ...й", хай ведае што мазахізм падтрымлівае 3-4% насельніцтва