Асацыяцыя прафесійных перавозчыкаў пасажыраў прапануе стварыць у Беларусі нацыянальнага аператара таксі. Пра гэта ў эфіры тэлеканала СТБ распавяла старшыня Асацыяцыі Кацярына Станкевіч. Яна падкрэсліла, што гаворка ідзе пра велізарныя паступленні ў бюджэт.
Кацярына Станкевіч пры гэтым адказала на пытанне, чаму агрэгатары таксі не хочуць прызнаваць сябе дыспетчарамі.
Паводле беларускага заканадаўства, калі ты не дыспетчар таксі, табе спачатку прыходзяць усе грошы, якія атрыманыя за перавозкі. Пакідаеш сабе сваю камісію 20-27%, а потым пералічваеш перавозчыкам. Пры працы дыспетчарам таксі грошы павінны ісці перавозчыку наўпрост, і толькі потым ён плаціць дыспетчару за дадзеныя паслугі.
Акрамя таго, Кацярына Станкевіч звярнула ўвагу і на правы пасажыраў, якія абаронены менш пры выкарыстанні паслуг агрэгатара, чым пры паездцы на звычайным таксі.
У студзені ў Беларусі быў падпісаны ўказ «Аб аўтамабільных перавозках пасажыраў». З 1 жніўня перавозчыкаў, машыны і вадзіцеляў пачнуць уключаць у рэестр.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары