Спорт1414

«Чакаў убачыць іншае, а тут томная абыякавасць» — расійскі журналіст пра атмасферу матча Беларусь — Расія, які назвалі «гульнёй года»

«Здалося, што ў Беларусі ў прынцыпе на білбордах прасоўваюць толькі казіно і букмекерскія канторы», напісаў расійскі журналіст у рэпартажы з гульні, што, праўда, не без налёту паблажлівасці да «братоў меншых» у спартыўным і палітычных сэнсах.

Фота: championat.com

Расійскі журналіст Дзмітрый Зімін наведаў таварыскі футбольны матч Беларусь — Расія, што прайшоў учора на стадыёне «Дынама» ў Мінску і скончыўся разгромам беларусаў з лікам 0:4. Сваімі ўражаннямі ён падзяліўся ў рэпартажы на сайце Championat.com.

Для зборнай Беларусі, якая пасля ўварвання Расіі ва Украіну вымушаная праводзіць матчы на нейтральным полі, гэта была першая гульня за два з паловай гады на сваім полі. Расія, адхіленая ад міжнародных спаборніцтваў, гуляе толькі таварыскія паядынкі, і матч з беларусамі стаў другой за два гады гульнёй з еўрапейскім супернікам.

«Першапачаткова я чакаў убачыць іншае. Як мінімум — вялікая рэкламная цікавасць да гульні. Зразумела, што Расію складана назваць топ-супернікам, улічваючы, што Беларусь гуляе ва ўсіх міжнародных турнірах. Але як мінімум ёсць гістарычная сувязь і адсутнасць таварыскіх матчаў на працягу пяці гадоў. Не кажу ўжо пра фігуры Карпіна [вядомы ў мінулым футбаліст, сёння — галоўны трэнер — НН], Аляксея Міранчука, Сафонавай [зоркі сённяшняй зборнай — НН].

Аднак вынік — мінімум вулічнай рэкламы, што будзіць цікавасць. Здалося, што ў Беларусі ў прынцыпе на білбордах прасоўваюць толькі казіно і букмекерскія канторы. Законы бізнэсу, тут без асуджэнняў.

Так, гэта не перашкодзіла сабраць амаль поўны стадыён. А багатыя людзі нават не шкадавалі грошай, каб трапіць на матч. З цікавай сітуацыяй сутыкнуўся ля кас: працавала ўсяго пара вокнаў, невялікія чэргі рухаліся павольна, затое прадпрымальны мужчына прапаноўваў лепшыя месцы. За 5 тысяч расійскіх рублёў (180 беларускіх) — і ледзь не ў любой існуючай валюце. Тыя, каму было лянота стаяць па паўгадзіны, здаваліся і куплялі. Хоць звычайныя каштавалі ў два-тры разы танней. Як кажуць тут: бізнэс па-беларуску.

Але крыху больш сумная карцінка ўнутры. Там чакаў убачыць кучу людзей у мясцовай атрыбутыцы ці хаця б са сцягамі, якія весяляцца, спяваюць песні і збіраюцца падтрымліваць сваю каманду. Можа, такое чакаеш паглядзець у любой краіне, куды прыязджаеш у госці. Але замест гэтага — нейкая томная абыякавасць. На людзей у футболках зборнай або са сцягамі накідваліся з камерамі як на нейкі рарытэт.

Падалося, што заўзятараў у футболках клубаў расійскай прэм'ер-лігі было нават больш, чым тых, хто ў гэты дзень вырашыў ідэнтыфікаваць сябе з Беларуссю не толькі ў душы, але і ў адзенні. Хоць перад пачаткам матчу з'явіўся сюжэт нібы з 2000-х: на арэну амаль строем зайшлі мужчыны ў вайсковай форме, надзелі на сябе швэдры з беларускай айдэнтыкай і адправіліся на трыбуны. Балельшчыкі, па якіх мы засумавалі.

Фота: championat.com

Яшчэ перад гульнёй я зайшоў у каментары і ўбачыў парадаксальную перапіску. Хтосьці спытаў: дзе можна купіць форму зборнай? Адказ: нідзе ці не ведаем. … Наогул, парадоксаў хапала. Напрыклад, у раёне стадыёна за тры гадзіны да пачатку матча пачалі абмяжоўваць продаж алкаголю. Затое на самім стадыёне, калі ласка. Піва карысталася вялікім попытам. Але ўсё культурна — уласна, інакш і не магло быць.

Фішка праўладных мерапрыемстваў: трымаць дзяржаўны сцяг дагары нагамі. Фота: championat.com

Яшчэ адзін дзіўны факт. Проста ў будынку стадыёна працуе рознага роду бізнэс: поўнафарматны бар унізе, куды можна трапіць, нават калі ў цябе няма білета, салон прыгажосці — туды, верагодна, таксама. Але пры гэтым да 20:00 быў зачынены ледзь не адзіны магазін, дзе можна купіць мерч. Таксама, мабыць, бізнэс па-беларуску.

Пры гэтым мінулае заваблівала. Здзівіўся, наколькі ў Беларусі каштоўная настальгія. І яе нават спрабуюць перадаваць наступным пакаленням. Вось размова ў чарзе на аўтограф да Білялетдзінава, Аленічава, Цітова [зоркі пачатку 2000-х — НН].

Фота: championat.com

— Глядзі, гэта легенды зборнай Расіі. Раней бачыў іх толькі па тэлевізары, — з гонарам сказаў мужчына свайму маленькаму сыну.

Той кінуў позірк, адвярнуўся і працягнуў есці марозіва. Эмоцыі бацькі, які стаяў у чарзе на спякоце, яго асабліва не цікавілі. Хоць, здавалася, гэта як раз тое, што магло. Зноў жа, пытанне да арганізатараў.

На 20-тысячны стадыён — усяго некалькі забаўляльных зон. І там альбо прадаюць футболкі, альбо піва з бургеры, альбо фоткаюцца. Окей, яшчэ адна зона з ударамі па мячы ў імправізаваны дартс. Наўрад ці гэта ўразіць большасць.

А зараз дадайце да ўсяго гэтага тую самую адсутнасць міжнародных матчаў у Мінску. Беларусь гуляе дзе заўгодна, але не ў сябе дома. Такія ўмовы УЕФА па допуску. А яшчэ каманда пасля прыходу новага трэнера моцна абнавілася. Тыя, з кім размаўляў, шчыра прызнаваліся, што нават не ведаюць большасць гульцоў зборнай, якая ў нейкі момант мела тэарэтычныя шанцы выйсці на Еўра-2024.

А ў перамозе Расіі над такім супернікам няма нічога гераічнага. Беларусь, нягледзячы на добры шанец і магчымасці да прагрэсу, хутчэй топчацца на месцы. Але пытанні можа задаваць толькі сама сабе.

Каментары14

  • ром
    08.06.2024
    здаецца аутар хоча каб руским морды били))??
    я бы таксама быу абыякавы...бо свае супрать сваих грають.. эта нармальна!
  • Чаго ж ты за сваіх браццяў не паехаў у рашысцкі акоп, разым бы чарназём там еў)
    08.06.2024
    ром, а вось і рюzкі мышыбрацця вылез))
  • маўклівы беларускі пратэст?
    08.06.2024
    няблага. але лепш бы прагаласавалі нагамі

Цяпер чытаюць

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму1

ЭканомікаБеларусбанк, Белаграпрамбанк, Белінвестбанк і Банк Дабрабыт1

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму

Усе навіны →
Усе навіны

Лукашэнка пра забарону на ўезд у Эстонію: Ніколі не быў там7

Засталося два тыдні, каб падаць заяўку на тры прэстыжныя праграмы навучання і прафесійнага развіцця ў ЗША

У Беларусь прыйшоў лясны кот — такога не бачылі амаль 100 гадоў3

У Беларусь афіцыйна прыйшоў новы кітайскі аўтамабільны брэнд. Што за ён6

Эстонія пажыццёва забараніла ўезд у краіну Лукашэнку і яшчэ 272 асобам2

Памятаеце зарослую магілу акадэміка Карскага? Моладзь з Беларусі аплаціла яе ўпарадкаванне4

Беларуска абурылася коштам лісічак у 55 рублёў за кілаграм3

Сярэдні заробак «бруднымі» складае 911 даляраў4

Адначасова дзве аварыі пад Мінскам, пацярпелі некалькі чалавек. Людзі кажуць пра зачараваны ўчастак трасы

больш чытаных навін
больш лайканых навін

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму1

ЭканомікаБеларусбанк, Белаграпрамбанк, Белінвестбанк і Банк Дабрабыт1

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму

Галоўнае
Усе навіны →

Заўвага:

 

 

 

 

Закрыць Паведаміць