БТ запісала прапагандысцкае інтэрв'ю з Дар'яй Лосік яшчэ ў сакавіку, але пакажа толькі цяпер
Прапагандысты анансавалі паказ інтэрв’ю з палітзняволенай Дар’яй Лосік. Яе муж, блогер Ігар Лосік, таксама знаходзіцца за кратамі. Як стала вядома «Нашай Ніве», відэа запісвалі яшчэ некалькі месяцаў таму.
У канцы мая блогер Аляксандр Кабанаў паведаміў у стрыме, што Дар’я Лосік напісала заяву на развод з Ігарам Лосікам. Пасля гэтага беларускія медыя праз свае крыніцы пацвердзілі інфармацыю, што развод адбыўся.
Былая палітзняволеная Дар'я Афанасьева расказвае, што прапагандысцкае відэа з Дар’яй Лосік запісалі яшчэ ў сярэдзіне сакавіка. Гэта не адзіная зняволеная калоніі № 4, вымушаная прайсці праз падобную працэдуру — аналагічныя гутаркі запісваліся як мінімум яшчэ з дзвюма жанчынамі.
Суразмоўца апісвае стан былой суседкі як няпросты: «Даша трапіла ў вельмі складаную сітуацыю, дзе ў яе з самага пачатку не было выбару. У яе скралі мужа, сям'ю, яна перастала жыць уласным жыццём. Яшчэ да таго, як яна апынулася за кратамі, Даша паставіла на паўзу і сваё жыццё, і жыццё дачкі.
Яна пастаянна збірала перадачы і ездзіла ў СІЗА, потым у турму… Увесь час чакала званкоў, давала нейкія інтэрв'ю, пісала пасты. Даша жыла ў няволі разам з Ігарам і рабіла ўсё, што ад яе залежыць».
Афанасьева пасябравала з Дар'яй Лосік — дзяўчыны знаходзіліся ў адным атрадзе. Яна заклікае не звяртаць увагі на інфармацыю пра развод Лосікаў і на інтэрв'ю яе сяброўкі:
«Дзяўчаты ў закладніках, яны выжываюць як могуць. Мне б не хацелася, каб, калі Даша выйдзе з турмы, на яе пасыпаліся непрыемныя пытанні. Яна траўмаваная і сваім тэрмінам, і тэрмінам мужа. Калі прапаганда такое здымае, значыць, ім дагэтуль трэба нешта даказаць людзям — даказаць, што мы «пакаяліся».
Я шчаслівая, што пазнаёмілася з Дашай. Гэта добры і спагадлівы чалавек, якому я заўжды магла давяраць».
«Наша Нiва» — бастыён беларушчыны
ПАДТРЫМАЦЬЦяпер чытаюць
Лосік расказаў, як Бабарыку катавалі ў наваполацкай калоніі20
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары