Стала вядома, якія краіны далі найбольш шэнгенскіх віз беларусам і хто часцей адмаўляў
У 2023 годзе большасць шэнгенскіх віз беларусам выдалі пяць краін Еўразвяза.
За мінулы год у еўрапейскія консульствы беларусы падалі амаль 164 тысячы заявак на кароткатэрміновыя візы тыпу C, якія могуць выдавацца для разавай паездкі ці шматразовага ўезду. У выніку на рукі беларусы атрымалі каля 158 тысяч віз, плюс 5,5 тыс. адмоў. Пры гэтым большасць візаў былі шматразовымі, заўважыў s13.ru.
Найбольш віз беларусам выдала Германія — каля 52 тыс. Працэнт адмовы — 0,8%.
На другім месцы Італія — 40,2 тыс. віз. Працэнт адмовы — 0,2%.
Польшча, якая заўсёды была лідарам візавага рэйтынгу сярод беларусаў, апынулася толькі на трэцім месцы спісу — 31,4 тыс. віз. Пры гэтым яна давала больш за ўсё адмоў. Больш заўважна тут вызначылася гродзенскае консульства Польшчы — 13,3% адмоў, 10% у Мінску, 12% у Брэсце.
Венгрыя выдала беларусам у мінулым годзе 14,4 тыс. віз, Францыя — 11,8 тыс.
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам20
Каментары
Памятайма і спрабуйма ўсунуць да нармальнага стану вольнага перасоўваньня