Былы прэзідэнт Манголіі заклікаў арыштаваць Лукашэнку, калі ён прыляціць у гэту краіну
Элбэгдорж Цахіагійн, які быў прэзідэнтам Манголіі ў 2009-2017 гадах, заклікаў цяперашнія ўлады краіны арыштаваць Аляксандра Лукашэнку, які ў пачатку чэрвеня наведае Манголію з афіцыйным візітам.
«Паведамляецца, што Лукашэнка прыбудзе ва Улан-Батар. Манголія з'яўляецца ўдзельнікам Рымскага Статута і мае суддзю ў Міжнародным крымінальным судзе. Чакаецца прыбыццё асобы, якая ўчыніла злачынствы супраць чалавечнасці.
Спадзяюся, што адпаведныя меры будуць прынятыя. Перад міжнароднай супольнасцю Манголія выканае свае юрыдычныя абавязацельствы. Трыумф справядлівасці стане сусветнай падзеяй, і гэта прынясе Манголіі добрую рэпутацыю», — напісаў Элбэгдорж Цахіагійн у сацсетцы X.
Допіс гэты быў размешчаны мангольскім палітыкам як рэакцыя на пост Паўла Латушкі пад назвай «Лукашэнка прыніжае міжнароднае правасуддзе».
Лукашенко УБ-т буух сурагтай. Монгол нь ОУЭШ-ийн #RomeStatue-д нэгдсэн, @IntlCrimCourt-д шүүгчтэй улс. #ХүнТөрөлхтний эсрэг гэмт хэрэг үйлдсэн этгээд ирэх нь. Зохих бэлтгэлийг хангасан гэдэгт итгэе. Дэлхийн хамтын нийгэмлэгийн өмнө хуулиар хүлээсэн үүргээ биелүүлж л таарна.… pic.twitter.com/xCuIXZT9GC
Варта, аднак, адзначыць, што Міжнародны крымінальны суд, на які спасылаецца экс-лідар Манголіі, пакуль не выдаваў ордэра на арышт Лукашэнкі, у адрозненне ад прэзідэнта Расіі Уладзіміра Пуціна.
Элбэгдорж Цахіагійн быў у свой час лідарам празаходняй Дэмакратычнай партыі і першым пасля падзення камунізму лідарам Манголіі, які не належаў да посткамуністычнай Мангольскай народнай партыі.
Дарэчы, падчас свайго кіравання Манголіяй Элбэгдорж Цахіагійн сустракаўся ў ліпені 2015 года ў межах самітаў ШАС і БРІКС у расійскай Уфе з Лукашэнкам. Тады яны гаварылі пра бліскучыя перспектывы эканамічнага супрацоўніцтва.
«Алкаголь паўплываў на яе розум»: экс-прэзідэнт Манголіі высмеяў «даму з МЗС РФ»
«Я знайшоў гістарычную карту Манголіі». Экс-прэзідэнт Манголіі патроліў Пуціна
Мангольскі прэзідэнт зняўся ў навагоднім роліку ў ролі вясёлага цырульніка, Пуціна ў кліпе выстаўляюць за дзверы
Лукашэнка — прэзідэнту Манголіі: У нас вельмі падобныя людзі
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары
ПС у Монголии кишка тонка, популизм :))