Мангольскі прэзідэнт зняўся ў навагоднім роліку ў ролі вясёлага цырульніка, Пуціна ў кліпе выстаўляюць за дзверы
Мангольскі прэзідэнт Цахіягійн Элбэгдорж зняў навагодняе віншаванне ў выглядзе гумарыстычнага роліка. Яго вобраз ўвасобіў адзін з вядомых мясцовых акцёраў, а сам кіраўнік дзяржавы выканаў ролю цырульніка.
Відэа размешчана на канале прэзідэнта Элбэгдоржа ў YouTube.
Называецца ролік Мэндчылгээ — «Вітаю!». У роліку мангольскі лідар у жартаўлівай форме даў справаздачу перад народам аб тым, што зрабіў за год.
Сам прэзідэнт іграе ў скетчкоме ролю цырульніка, які прычэсвае «прэзідэнта Элбэгдоржа». Ролю кіраўніка дзяржавы сыграў вядомы мангольскі акцёр Доржсурэн.
Асаблівую весялосць у «закадравага гледача» выклікала тое, як «прэзідэнт» і «цырульнік» з іроніяй абыгралі невысокі рост Элбэгдоржа.
У роліку грошы цырульнік трымае ў празрыстай скрыні — гэта яго «празрыстыя даходы».
Смех публікі выклікаў і «прэзыдэнт Расеі», што пад гукі гімна Расіі спрабуе ўвайсці ў пакой. Яму паказалі на дзверы.
Намёк на Барака Абаму чытаецца ў вобразе другой кліенткі цырульніка Элбэгдоржа. Гэта жанчына ў бігудзі, з якой прэзідэнт робіць сэлфі ў канцы роліка.
Летась на адным з самітаў прэзідэнт ЗША сапраўды няёмка узмахнуў рукой перад тварам мангольскага прэзідэнта. У выніку манголы, разглядаючы гэтыя фота ў прэсе, доўга абмяркоўвалі: навошта Абама закрыў твар Элбэгдоржа.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары