Выратавальнікі правялі спецыяльную трэніроўку.
МНС, фарміраванні грамадзянскай абароны і іншыя службы ў Гомельскай вобласці гатовыя да пераводу на ваенны час.
Пра гэта расказаў першы намеснік міністра па надзвычайных сітуацыях Аляксандр Худалееў падчас трэніроўкі па рэсурсным забеспячэнні ратавальнікаў у ваенны час. Заняткі праходзілі два дні, адпрацоўвалася гатоўнасць да працы ва ўмовах вайны, паведамляе БелТА.
«Правераная гатоўнасць спецыяльных фарміраванняў, іх укамплектаванасць і інш. У цэлым сістэма рэгіёну гатовая пры неабходнасці да пераводу на ваенны час», — заявіў Худалееў.
Паводле ягоных слоў, аднак, неабходна ўнесці некаторыя аператыўныя карэктывы, якія ўдасканаляць дзеянні службаў у ваенны час.
У занятках у Гомельскай вобласці ўдзельнічалі старшыні выканкамаў, прадстаўнікі цэнтральнага апарата МНС і Гомельскага абласнога ўпраўлення МНС, галоўнага ўпраўлення ЖКГ, галоўнага ўпраўлення па ахове здароўя, галоўнага ўпраўлення гандлю і паслуг Гомельскага аблвыканкама, а таксама прадпрыемстваў, якія былі задзейнічаныя ў забеспячэнні сувязі, харчавання, паліва, медыкаментаў і прэпаратаў.
Трэніроўкі па міжведамасным узаемадзеянні ва ўмовах ваеннага часу прайшлі раней яшчэ ў дзвюх абласцях краіны.
Цяпер чытаюць
Чаго чакае Польшча ад Мінска і ці закрые зноў мяжу на гэтым тыдні?26
Каментары