Украінскаму алігарху Ігару Каламойскаму выставілі падазрэнне ў арганізацыі заказнога забойства. А гэта пажыццёвае
Пракуратура сцвярджае, што для выканання замовы Каламойскі праз свайго ахоўніка прыцягнуў членаў банды, якая «спецыялізавалася» на фізічнай расправе з канкурэнтамі.
Алігарху Ігару Каламойскаму паведамілі аб падазрэнні ў арганізацыі заказнога забойства дырэктара адной з юрыдычных кампаній, паведамляе «Украінская праўда».
«Пры працэсуальным кіраўніцтве офіса генеральнага пракурора вядомаму бізнэсоўцу [Ігару Каламойскаму], падазраванаму ў легалізацыі маёмасці, атрыманай ашуканскім шляхам, паведамлена аб падазрэнні ва ўчыненні яшчэ аднаго злачынства, звязанага з арганізацыяй заказнога забойства (ч.4 арт. 27, ч. 2 арт. 15, п. п. 11, 12, ч. 2 арт. 115 КК)».
Па даных следства, алігарх, каб адпомсціць, замовіў забойства дырэктара адной з юрыдычных кампаній за «невыкананне патрабаванняў па ануляванні і прызнанне несапраўднымі рашэнняў агульнага сходу акцыянераў адкрытага акцыянернага таварыства».
У паліцыі сцвярджаюць, што Каламойскі меў асабісты камерцыйны інтарэс у працы металургічнага завода, а рашэнне агульнага сходу акцыянераў прадпрыемства не дазваляла яму паўнавартасна рэалізаваць свой план нажывы.
Таму ён з пагрозамі звярнуўся да адваката юрыдычнай фірмы, якая ўдзельнічала ў агульным зборы акцыянераў і рыхтавала юрыдычную дакументацыю, каб той адмяніў рашэнне. У адказ алігарх атрымаў адмову, таму вырашыў адпомсціць.
Для выканання замовы Каламойскі праз свайго ахоўніка прыцягнуў членаў банды, якая «спецыялізавалася» на фізічнай расправе з канкурэнтамі.
Паводле інфармацыі Нацпаліцыі, напад адбыўся ў жніўні 2003 года ў цэнтры Феадосіі.
Тады чацвёра мужчын нанеслі пацярпеламу ўдары металічным дубцом па галаве і нажавыя раненні ў грудзі, жывот і спіну. Перашкодзіла зламыснікам дабіць мужа жонка пацярпелага, а лекарам удалося выратаваць яго жыццё.
Праз некалькі дзён выканаўцаў злачынства затрымалі, а пазней прысудзілі да пазбаўлення волі на тэрміны ад 6 да 12 гадоў.
Расследаванне ўстанаўлення заказчыка забойства было выдзелена ў асобную вытворчасць. І толькі 8 мая 2024 года Каламойскаму было абвешчана аб падазрэнні.
За замах на наўмыснае забойства, здзейсненае па замове па папярэдняй змове групай асоб прадугледжана пакаранне ў выглядзе пазбаўлення волі на тэрмін да 15 гадоў або пажыццёвае пазбаўленне волі.
Таксама ў чатырох рэгіёнах Украіны праводзяцца 23 ператрусы ў рамках гэтай вытворчасці.
Каламойскі ўжо знаходзіцца пад вартай праз іншую справу.
Цяпер чытаюць
Ціханоўскі расказаў, што трэба было рабіць у жніўні 2020-га63
Каментары
У вас там на ферме з галавой не дружаць ?