У кватэры прапісаныя двое непаўналетніх дзяцей.
Вераніка Цапкала, жонка экс-прэтэндэнта на пасаду прэзідэнта і былога кіраўніка ПВТ Валерыя Цапкалы, напісала зварот у пракуратуру з нагоды продажу іх кватэры. Акрамя таго, Цапкала звярнулася да пакупнікоў, якія набылі кватэру на арганізаваным дзяржавай аўкцыёне за амаль 400 тысяч рублёў.
«Я ў чарговы раз звяртаюся да тых грамадзян, якія «сарвалі халяву» і ўсё ж набылі нашу кватэру па значна заніжаным кошце! Вы выдатна ведаеце, у чыёй уласнасці знаходзіцца гэтая маёмасць і што ў ёй жывуць двое непаўналетніх дзяцей.
Вы і ваша сям'я павінны дакладна разумець, што па вяртанні ў Беларусь мы прыйдзем да вас, з простымі беларусамі, прэсай, усімі тымі, хто не падтрымлівае скупшчыкаў крадзенага, і вы абавязаныя будзеце выселіцца з нашай кватэры і аплаціць арэндную плату за ўвесь тэрмін пражывання!» — напісала Цапкала.
У лісце на імя генпракурора Андрэя Шведа яна запатрабавала выказаць афіцыйную пазіцыю з нагоды незаконнага продажу кватэры, у якой прапісаныя непаўналетнія дзеці Веранікі і Валерыя.
Трохпакаёвую кватэру Цапкалаў на вуліцы Чарнышэўскага выстаўлялі на аўкцыён два разы. У лютым ахвотных яе купіць не знайшлося, а для паўторнага аўкцыёну пачатковая цана ў 358 442,2 рубля была зніжаная на 71 тысячу. У выніку кватэру прадалі за амаль 400 тысяч рублёў — даражэй за тую суму, якая раней нібыта адпуджвала.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары